અમેરિકાના રાષ્ટ્રપતિ જો બાઈડેન કોવિડ-19થી સંક્રમિત થયા છે. બાઇડેને સોશિયલ મીડિયા પ્લેટફોર્મ X પર આ માહિતી આપી… આ સિવાય વ્હાઇટ હાઉસના પ્રેસ સેક્રેટરી કરીન જીન પિયરે પણ લોકોને બાઈડેનના સ્વાસ્થ્ય વિશે જાણકારી આપી. જો બાઈડેન સોશિયલ મીડિયા પર લખ્યું, “આજે બપોરે મારું કોવિડ -19 માટે પરીક્ષણ કરવામાં આવ્યું, પરંતુ હું સારું અનુભવું છું અને શુભેચ્છાઓ માટે દરેકનો આભાર માનું છું. હું સ્વસ્થ થતાંની સાથે જ પાછો આવીશ. ” આ દરમિયાન, હું અમેરિકન લોકો માટે કામ કરવાનું ચાલુ રાખીશ.”
પ્રમુખ જો બાઈડેનના ડૉક્ટર કેવિન ઓ’કોનોરે જણાવ્યું કે જો બાઈડેનમાં હાલમાં વહેતું નાક અને ઉધરસ જેવા હળવા લક્ષણો છે. તેઓ થાક પણ અનુભવી રહ્યા છે. કોરોના પોઝિટિવ રિપોર્ટ બાદ જો બાઈડેન એન્ટી વાયરલ દવા પેક્સલોવિડ આપવામાં આવી છે. તેમણે તેનો પહેલો ડોઝ લીધો છે. વ્હાઇટ હાઉસ તરફથી કહેવામાં આવ્યું છે કે તે રાષ્ટ્રપતિની સ્થિતિ વિશે નિયમિત માહિતી આપતું રહેશે.
લાસ વેગાસમાં યુનિડોસસ કોન્ફરન્સમાં તેમના ભાષણ પહેલા તેમનો કોરોના ટેસ્ટ કરવામાં આવ્યો હતો. જેના રિપોર્ટમાં જો બાઈડેન કોરોના સંક્રમિત હોવાનું જાણવા મળ્યું છે. હાલમાં, તેઓ થાક અને ઉધરસની ફરિયાદ કરી રહ્યા છે, જે કોરોનાના હળવા લક્ષણો છે. તે હવે ડેલવેર પરત ફરશે જ્યાં તે પોતાની જાતને ક્વોરેન્ટાઈન કરશે.
