વરુણ ધવનની પત્ની નતાશા દલાલ આ શો માં જોવા મળશે
- વરુણ ધવનની પત્ની નતાશા દલાલની OTT ડેબ્યૂ
- ફેશન ડિઝાઈનિંગ સાથે સંબંધિત શોનો બનશે ભાગ
મુંબઈ:બોલિવૂડ એક્ટર વરુણ ધવને પોતાની પર્સનલ લાઈફને હંમેશા લાઈમલાઈટથી દૂર રાખી છે. લગ્ન પહેલા આ કપલે તેમના સંબંધો વિશે વધુ ચર્ચા કરી ન હતી. પરંતુ લગ્ન બાદ વરુણ ધવન અને નતાશા દલાલ હંમેશા ક્વોલિટી ટાઈમ સ્પેન્ડ કરતા જોવા મળે છે. આ કપલ સોશિયલ મીડિયા પર આ દરમિયાનના ફોટા પણ શેર કરતા રહે છે. નતાશા દલાલ પહેલેથી જ સેલિબ્રિટી ફેશન ડિઝાઇનર છે. પરંતુ હવે તે OTTની દુનિયામાં પોતાની હાજરી નોંધાવવા જઈ રહી છે.
નતાશા દલાલ ફેશન ડિઝાઇનિંગ સાથે જોડાયેલા એક શોમાં જોવા મળશે. આ શોનું નામ છે યસ ટુ ધ ડ્રેસ ઈન્ડિયા જે સંપૂર્ણપણે ફેશન આધારિત શો હશે. તે આ શો દ્વારા દુલ્હનના સપનાના લગ્નના પોશાક ડિઝાઇન કરતી જોવા મળશે. સાથે જ આ શોમાં નતાશા દલાલ પણ પહેલીવાર પોતાના વેડિંગ કલેક્શન બતાવતી જોવા મળશે. આ શો Discovery+ પર બતાવવામાં આવશે.
એક નિવેદનમાં, નતાશા દલાલે તેના શો વિશે વાત કરતા કહ્યું કે- ડિઝાઇનિંગ હંમેશા મારી પ્રિય રહી છે અને OTTમાં ડેબ્યૂ કરવા માટે મારા માટે આનાથી વધુ સારો સમય શું હોય.દુનિયાભરમાં યસ ટૂ ધ ડ્રેસ ખૂબ જ લોકપ્રિય છે અને ભારતમાં તેને મેળવવો એ એક મહાન અનુભવ છે. દુલ્હન માટે તેના સપનાનો પોશાક ડિઝાઇન કરવો તે સન્માનની વાત હશે. હું આ શોનો ભાગ બનવા માટે ખૂબ જ ઉત્સાહિત છું.