- દિલ્હી આજથી અનલોક
- ઘોરણ 10-12 ના શૈક્ષણિક કાર્યો થશે શરુ
દિલ્હી – સમગ્ર દેશભરમાં કોરોના મહામારીને કારણે શિક્ષણકાર્ય બંધ હતું જેમ જેમ કોરોનાની સ્થિતિ હળવી થઈ ગઈ તે પ્રમાણે ઓફલાઈન શિક્ષણકાર્યનો આરંભ કરવામાં આવી રહ્યો છે ,હવે આ જ શ્રેણીમાં દિલ્હીમાં પણ શિક્ષણ કાર્ય શરુ થવા જઈ રહ્યું છે.કોરોના સંક્રમણના કેસોમાં ઘટાડો થતા દિલ્હી સરકારે ધોરણ 10 થી 12 ના વિદ્યાર્થીઓને શાળા અને કોલેજમાં જવાની મંજૂરી આપી છે. સોમવારથ વિદ્યાર્થીઓ એડમિશન માટે, કાઉન્સિલીંગ માટે, અથવા અન્ય વ્યવહારિક પ્રવૃત્તિઓ માટે શાળા એ જઈ શકે છે.
જો કે, શૈક્ષણિક હેતુઓ માટે શાળાઓ, કોલેજો, કોચિંગ સંસ્થાઓ અથવા અન્ય સંસ્થાઓ ખોલવાની મંજૂરી નથી. તે જ સમયે, ઘણા પ્રતિબંધોમાં આપવામાં આવેલી છૂટ જાળવી રાખવામાં આવી છે. દિલ્હીની લાઈફલાઈન મેટ્રો અને ડિટીસી બસોમાં પહેલાની જેમ સો ટકા બેઠકો પર બેસીને મુસાફરી કરી શકાશે. ઊભા રહીને યાત્રા કરવાની મંજૂરી નથી. આ સાથે સાપ્તાહિક બજાર ખોલવાની પણ મંજૂરી આપવામાં આવી છે.
દિલ્હી ડિઝાસ્ટર મેનેજમેન્ટ ઓથોરિટી એ 23 ઓગસ્ટ સુધી અનલોક થયેલી દિલ્હીને મોટા પ્રમાણમાં ખોલવાની માર્ગદર્શિકા ચાલુ રાખી છે. કોરોના સંક્રમણને કારણે રાજકીય, સામાજિક પરિષદો, સાંસ્કૃતિક કાર્યક્રમો, રમતગમતના કાર્યક્રમો, ઉજવણીઓ વગેરે પરના પ્રતિબંધો યથાવત રાખ્યા છે, તેથી, 15 ઓગસ્ટના રોજ આયોજિત કાર્યક્રમો શહેરમાં યોજાશે નહીં.
આ સાથે જ માત્ર શૈક્ષિણક કાર્ય શરુ થશે પરતું વિદ્યાર્થીઓને ભણાવવામાં આવશે, નહી માત્ર એડમિશન કાઉન્સિલીંગ જેવા કાર્યો જ કરવામાં આવશે, બીજી તરફ માર્ગદર્શિકામાં જણાવવામાં આવ્યું છે કે 50 ટકા બેઠક ક્ષમતા સાથે સિનેમાઘરો, મલ્ટિપ્લેક્સ ખોલવાનું ચાલુ રહેશે, એ જ રીતે, 50 ટકા ક્ષમતાવાળા એસેમ્બલી હોલમાં ઓડિટોરિયમ પણ ખુલશે. ઓટો રિક્ષા, ટેક્સી, કેબમાં બેથી વધુ મુસાફરોને બેસવા દેવામાં આવશે નહીં. ધાર્મિક સ્થળો પહેલાની જેમ ખુલશે, પરંતુ પૂજા માટે મેળાવડાઓને મંજૂરી આપવામાં આવશે નહીં.
