વોટ્સએપ યુઝર્સને મળશે નવું ફીચર,હવે મોબાઈલની જગ્યાએ ઈ-મેલ આઈડીથી લોગઈન કરી શકાશે
ભાગ્યે જ કોઈ દિવસ એવો પસાર થાય છે જ્યારે WhatsAppના અપડેટ્સ અને ફીચર્સ અંગે કોઈ સમાચાર ન હોય. તેના લાખો વપરાશકર્તાઓ માટે WhatsApp તેના પ્લેટફોર્મને સતત અપડેટ કરતું રહે છે અને નવી સુવિધાઓ પણ લાવે છે. હવે કંપની એન્ડ્રોઈડ અને iOS યુઝર્સ માટે એક નવું ફીચર લાવવા જઈ રહી છે. અત્યાર સુધી તમને વોટ્સએપનો ઉપયોગ કરવા માટે મોબાઈલ નંબરની જરૂર હતી, પરંતુ નવા ફીચરમાં તમે તમારા જીમેલ આઈડીથી જ તમારા એકાઉન્ટમાં લોગીન કરી શકશો.
યુઝર્સની પ્રાઈવસી અને ડેટા સિક્યોરિટીને ધ્યાનમાં રાખીને WhatsApp એક નવું ફીચર લાવવા જઈ રહ્યું છે. આમાં તમે તમારા જીમેલ એકાઉન્ટ દ્વારા વોટ્સએપને એક્સેસ કરી શકશો. જો કે, આ માટે તમારે તમારા Gmail એકાઉન્ટથી તમારું WhatsApp વેરિફાઈ કરવું પડશે. એટલે કે, જ્યારે તમે Gmail થી WhatsApp પર લોગિન કરો છો, ત્યારે તમને સૌથી પહેલા Gmail પર એક OTP પ્રાપ્ત થશે અને તે પછી જ તમે તેને એક્સેસ કરી શકશો.
વોટ્સએપના આ આગામી ફીચર વિશે માહિતી કંપનીના અપડેટ્સ પર નજર રાખતી વેબસાઇટ WhatsAppinfo દ્વારા આપવામાં આવી છે. હાલમાં, આ ફીચર કેટલાક બીટા યુઝર્સ માટે રોલઆઉટ કરવામાં આવ્યું છે. વપરાશકર્તાઓને WhatsApp સેટિંગ્સમાં Gmail દ્વારા એકાઉન્ટમાં લોગિન કરવાનો વિકલ્પ મળશે. જો તમે અત્યારે આ ફીચરનો ઉપયોગ કરવા માંગો છો તો તમે ગૂગલ પ્લે સ્ટોર પરથી બીટા વર્ઝન ડાઉનલોડ કરી શકો છો.
જીમેલ લોગીન વિકલ્પની રજૂઆત પછી, મોબાઇલ નંબર આધારિત લોગિનનો વિકલ્પ અદૃશ્ય થઈ જશે નહીં. કંપની તેના યુઝર્સને વોટ્સએપ લોગીનનો બીજો વિકલ્પ આપી રહી છે. જ્યારથી વોટ્સએપ આવ્યું છે, ત્યારથી વપરાશકર્તાઓ પાસે તેમના મોબાઇલ નંબરથી લોગિન કરવાનો એકમાત્ર વિકલ્પ હતો.
