શું દુનિયામાંથી એઇડ્સ નાબૂદ થશે ?,યુએનનો નવો રિપોર્ટ આવ્યો સામે

1 ડિસેમ્બરના રોજ સમગ્ર વિશ્વમાં એઇડ્સ અંગે જાગૃતિ અભિયાન હાથ ધરવામાં આવે છે. 1 ડિસેમ્બરને ‘વિશ્વ એઇડ્સ દિવસ’ તરીકે ઉજવવામાં આવે છે. હ્યુમન ઇમ્યુનોડેફિસિયન્સી વાયરસ (એચઆઇવી) એઇડ્સ જેવા જીવલેણ રોગોનું કારણ બની શકે છે. યુએન આ રોગને કેવી રીતે નિયંત્રિત કરી શકાય તે શોધવા માટે સતત પ્રયત્નો કરી રહ્યું છે. લોકોને એઇડ્સ વિશે જાગૃત કરવામાં આવી રહ્યા છે. પીડિત લોકોને સપોર્ટ કરવામાં આવે છે.હવે સવાલ એ થાય છે કે દુનિયામાંથી એઈડ્સ ક્યારે નાબૂદ થશે? ઘણા સમુદાયો અને સંગઠનો આ માટે સતત પ્રયાસ કરી રહ્યા છે. એક્વાયર્ડ ઇમ્યુન ડેફિસિયન્સી સિન્ડ્રોમ (AIDS)ને લઈને સંયુક્ત રાષ્ટ્રનો નવો રિપોર્ટ સામે આવ્યો છે, જેમાં જણાવવામાં આવ્યું છે કે AIDS 2030 સુધીમાં નિયંત્રિત થઈ જશે.

વિશ્વ એઇડ્સ દિવસે લોકોને આ જીવલેણ રોગ વિશે જાગૃત કરવામાં આવે છે. આજે પણ લોકો એઈડ્સને લઈને ખૂબ જ સંકુચિત માનસિકતા ધરાવે છે. આ જ કારણ છે કે આ રોગ વિશે વ્યાપક સ્તરે જાગૃતિ ફેલાવવાની જરૂર છે. આ વર્ષે યુનાઇટેડ નેશન્સ સંસ્થાએ વિશ્વ એઇડ્સ દિવસની થીમ ‘સમુદાયને નેતૃત્વ કરવા દો’ રાખવામાં આવી છે. આનો અર્થ એ છે કે સાથે આવવાથી આપણે એઇડ્સને ખતમ કરી શકીએ છીએ. UNAIDS માને છે કે ‘સામુદાયિક નેતૃત્વ દ્વારા એઇડ્સને વિશ્વમાંથી નાબૂદ કરી શકાય છે’

યુએન એઇડ્સ ને એઇડ્સ માટે કામ કરતી સંસ્થાઓને સશક્ત બનાવવા માટે ત્રણ મુદ્દાનો ઉકેલ પણ સૂચવ્યો છે. આમાં સમુદાયોને નેતૃત્વની ભૂમિકાઓ આપવી, તેમને પૂરતું ભંડોળ પૂરું પાડવું અને HIV સેવાઓ માટે સક્ષમ વાતાવરણ પૂરું પાડવાનો સમાવેશ થાય છે. UN AIDS દ્વારા જાહેર કરાયેલ વાર્ષિક અહેવાલમાં જણાવવામાં આવ્યું છે કે 2030 સુધીમાં ‘AIDSના અંત’સુધી પહોંચી શકાય છે. યુએનના અહેવાલમાં જણાવવામાં આવ્યું છે કે, 2030 સુધીમાં જાહેર આરોગ્ય માટેના ખતરા તરીકે એઇડ્સને નાબૂદ કરવાનું લક્ષ્ય સરળતાથી પ્રાપ્ત કરી શકાય તેવું હતું.

એઇડ્સના લક્ષણો

• તાવ
• ઠંડી લાગવી
• સુકુ ગળું
• સ્નાયુમાં દુખાવો
• શરીર પર ફોલ્લીઓ
• રાત્રે પરસેવો
• થાકી જવું
• સાંધાનો દુખાવો
• સોજો ગ્રંથીઓ