IPL-2025ની સિઝનમાં કેટલાક અનકેપ્ડ ખેલાડીઓએ ચાહકોને પ્રભાવિત કર્યા. આ ખેલાડીઓના શાનદાર પ્રદર્શનને જોઈને ચાહકોને લાગે છે કે તેમને ટૂંક સમયમાં ટીમ ઈન્ડિયામાં તક આપવામાં આવી શકે છે.
- પાંચ અનકેપ્ડ ખેલાડી
વૈભવ સૂર્યવંશી: રાજસ્થાન રોયલ્સ માટે રમતા, આ 14 વર્ષના યુવા ખેલાડીએ 296.56 ની સરેરાશથી 252 રન બનાવ્યા. આ દરમિયાન, એક સદી પણ સામેલ હતી. સૂર્યવંશીને સુપર ‘સ્ટ્રાઈકર ઓફ ધ સીઝન’નો ખિતાબ પણ એનાયત કરવામાં આવ્યો હતો. તેને ભારતની અંડર-19 ટીમમાં પણ પસંદ કરવામાં આવ્યો છે.
દિગ્વેશ રાઠી: દિગ્વેશ રાઠીની IPL કારકિર્દી ભલે વિવાદોથી ભરેલી રહી હોય, પરંતુ તેણે આ સિઝનમાં 14 વિકેટ લીધી છે.
પ્રિયાંશ આર્ય: પંજાબ કિંગ્સ માટે રમતા, આ યુવા ખેલાડીએ ૧૭ મેચ રમી, ૪૭૫ રન બનાવ્યા. આ દરમિયાન પ્રિયાંશના બેટમાંથી એક સદી અને બે અડધી સદી નીકળી.
યશ દયાલ: આરસીબીના આ ડાબા હાથના ઝડપી બોલરે પોતાની વિવિધતાથી બધાને પ્રભાવિત કર્યા. દયાલને નવા બોલ અને ડેથ ઓવરનો નિષ્ણાત બોલર માનવામાં આવે છે. આઈપીએલ-૨૦૨૨માં, દયાલે નવ મેચ રમી, ૧૧ વિકેટ લીધી. આઈપીએલ-૨૦૨૪માં, દયાલે ૧૫ વિકેટ લીધી. આ જ કારણ હતું કે મેગા ઓક્શનમાં દયાલને ૫ કરોડ રૂપિયામાં રિટેન કરવામાં આવ્યો. તેણે આ સિઝનમાં ૧૫ મેચમાં ૧૩ વિકેટ લીધી.
પ્રભસિમરન સિંહ: આઈપીએલ-૨૦૨૫માં પંજાબ કિંગ્સ માટે રમતા, પ્રભસિમરને ૧૭ મેચમાં ૧૬૦.૫૩ ની સરેરાશથી ૫૪૯ રન બનાવ્યા. આમાં ચાર અડધી સદીનો સમાવેશ થાય છે. પ્રભસિમરને ગયા સિઝનમાં ૩૩૪ રન બનાવ્યા હતા. તે ભારતના ટોચના ક્રમને મજબૂત બનાવી શકે છે.
આ 5 એવા ખેલાડી છે જેમણે IPL-2025ની સિઝનમાં શાનદાર પ્રદર્શન કર્યું છે. લૉ બજેટના ખેલાડીઓએ IPL-2025ની સિઝનમાં એવી રમત બતાવી કે દેશના લોકો પણ હવે તેમને ઓળખવા લાગ્યા છે. ત્યારે IPL-2025ની સિઝનમાં આ 5 ખેલાડીના પ્રદર્શનના આધારે તેમની ટીમ ઈન્ડિયામાં એન્ટ્રી થઈ શકે છે.