- ગ્લોઈંગ ત્વચા માટે મેંદાનો કરો ઉપયોગ
- મેંદાથી બનાવેલ ફેસ પેકને લગાવો ચહેરા પર
- આ રીતે બનાવો મેંદાનો ફેસ પેક
શુદ્ધ લોટ એ ભારતીય ઘરોમાં સૌથી વધુ ઉપયોગમાં લેવામાં આવતા ઘટકો છે. તેનો ઉપયોગ વિવિધ વાનગીઓમાં થાય છે જેમ કે કેક અને ભટુરે વગેરે.ગ્લોઈંગ ત્વચા માટે તમે મેંદાનો ઘણી રીતે ઉપયોગ કરી શકો છો. તે તમને ખીલ અને ફોલ્લીઓથી છુટકારો મેળવવામાં પણ મદદ કરી શકે છે. આ સિવાય તે ઘણા બધા વિટામિનથી ભરપુર છે. તો ચાલો જાણીએ મેંદાથી તમે કઈ રીતે ફેસ પેસ્ક તૈયાર કરી શકો છો.
દહીં અને મેંદાનો ફેસ માસ્ક
દહીં ત્વચા માટે ખૂબ ફાયદાકારક છે. તેમાં લેક્ટિક એસિડ હોય છે જે ત્વચાની ટેનિંગને દૂર કરે છે. તો,તેમાં ઝીંક અને ઘણા પ્રકારનાં ખનિજો હાજર છે, જે ત્વચા માટે ખૂબ ફાયદાકારક છે. જો તમારા ચહેરા પર ફોલ્લીઓ અથવા ખીલ છે, તો પણ દહીં તમારી ત્વચા માટે ફાયદાકારક છે. તમે મેંદાને દહીં સાથે મિક્સ કરી ત્વચા પર લગાવી શકો છો. આ માટે, તમારે 2 ચમચી મેંદો, 1 ચમચી દહીં અને 1 ચમચી ગુલાબજળની જરૂર છે. આ ત્રણ ઘટકોને મિક્સ કરો અને તેને 1 કલાક ફ્રિજમાં રાખો. જ્યારે તે ઠંડુ થાય ત્યારે તેને ચહેરા પર લગાવો. તે પછી ચહેરો ધોઈ લો. તમે તેનો ઉપયોગ અઠવાડિયામાં 2 થી 3 વાર કરી શકો છો.
લીંબુનો રસ અને મેંદો
લીંબુમાં બ્લીચિંગનો ગુણધર્મો છે. આની મદદથી ત્વચાની ટેનિંગ દૂર કરી શકાય છે. લીંબુના રસને ડાયરેક્ટ ત્વચા પર લગાડવો નુકસાનકારક હોઈ શકે છે.તેથી તમારે 2 ચમચી લીંબુનો રસ, 1 ચમચી મેંદો અને 1 ચમચી ઓલિવ ઓયલની જરૂર પડશે. આ ત્રણેય ઘટકોને મિક્ષ કરીને સ્મુધ પેસ્ટ બનાવો. આ પેસ્ટને ચહેરા અને ગળા પર લગાવો. તમે તેનો ઉપયોગ અઠવાડિયામાં 1 થી 2 વખત કરી શકો છો.
એલોવેરા જેલ અને મેંદો
ત્વચાના ગ્લો માટે એલોવેરાનો ઉપયોગ કરી શકો છો. તે ત્વચાને સજ્જડ બનાવે છે. તમે તેને મેંદામાં મિક્સ કરીને લગાવી શકો છો. આનાથી તમારી ત્વચા પર ગ્લો લાવવા સાથે, ટેનિંગ પણ દૂર થાય છે.તેનાથી ફેસ પેક બનાવવું ખૂબ જ સરળ છે. આ માટે તમારે 2 ચમચી એલોવેરા જેલ અને 1 ચમચી મેંદાની જરૂર પડશે. બંને ઘટકોને સારી રીતે મિક્સ કરો. અને સ્મુધ પેસ્ટ તૈયાર કરો. આ પછી તેને ચહેરા અને ગળા પર લગાવો. આ પેસ્ટને 30 મિનિટ માટે લગાવો. તે પછી ઠંડા પાણીથી ચહેરો ધોઈ લો.
