અમિતાભ બચ્ચને અભિષેક બચ્ચનની ફિલ્મ ‘બોબ વિશ્વાસ’નું ટ્રેલર શેર કર્યું અને કહી આ વાત
- અભિષેકની ફિલ્મ ‘બોબ વિશ્વાસ’નું ટ્રેલર થયું રિલીઝ
- અમિતાભ બચ્ચને અભિષેક બચ્ચનના કર્યા વખાણ
- તને મારો પુત્ર કહેવા બદલ ગર્વ છે – બીગ બી
મુંબઈ : અભિષેક બચ્ચનની ફિલ્મ ‘બોબ વિશ્વાસ’નું ટ્રેલર ગઈ કાલે લૉન્ચ થઈ ગયું છે. આ ફિલ્મના ટ્રેલરને ખૂબ વખાણ મળી રહ્યા છે. તેનું સૌથી મોટું કારણ છે અભિષેક બચ્ચનનું પાત્ર. આ ફિલ્મમાં અભિષેક એકદમ અલગ રોલમાં જોવા મળશે. લોકો અભિષેક બચ્ચનના વખાણ કરી રહ્યા છે પરંતુ હવે તેના ઘરેથી પણ વખાણ થયા છે. મેગાસ્ટાર અમિતાભ બચ્ચને અભિષેક બચ્ચનની ફિલ્મનું ટ્રેલર જોયા બાદ તેના વખાણ કર્યા છે.
અમિતાભ બચ્ચને સોશિયલ મીડિયા પર અભિષેક બચ્ચનની પ્રશંસા કરી, રેડ ચિલીઝ એન્ટરટેઈનમેન્ટના ટ્વીટને રીટ્વીટ કર્યું, જેમાં અભિષેકની નવી ફિલ્મ ‘બોબ વિશ્વાસ’નું ટ્રેલર હતું. અમિતાભને અભિષેકનું આ અનોખું પાત્ર ખૂબ જ પસંદ આવ્યું છે. તેણે ટ્વીટર પર લખ્યું, “હું કહેતા ખૂબ જ ગર્વ અનુભવું છું કે તું મારો પુત્ર છે.” અમિતાભની આ ઈમોશનલ પોસ્ટ ખૂબ જ વાયરલ થઈ રહી છે.
T 4100 – I am proud to say you are my Son ! … BYCMJBBN .. !! ❤️🙏🚩👏👏👏👏👏👏👏👏 https://t.co/yk3BIzJIEb
— Amitabh Bachchan (@SrBachchan) November 19, 2021
આ પહેલીવાર નથી જ્યારે અમિતાભ બચ્ચને અભિષેકના કામની પ્રશંસા કરી હોય.અગાઉ રિલીઝ થયેલી ફિલ્મ ‘બિગ બુલ’ની રિલીઝ વખતે અમિતાભ બચ્ચને પોતાના પુત્રના જોરદાર વખાણ કર્યા હતા. હવે તેણે અભિષેકની આ નવી ફિલ્મનું ટ્રેલર જોયું છે અને તેને સોશિયલ મીડિયા પર શેર પણ કર્યું છે. આ ફિલ્મમાં અમિતાભ સિવાય બોલિવૂડના ઘણા સેલેબ્સે અભિષેકના વખાણ કર્યા છે. બોબી દેઓલ, કુણાલ કપૂર જેવા કલાકારોએ પણ આ ફિલ્મ માટે પોતાને ઉત્સાહિત ગણાવ્યા હતા.
