ગરીબ માણસ જશે તો ક્યાં જશે! અમૂલનું દૂધ તો મોંઘુ થયું,હવે છાશ અને દહીંના ભાવમાં પણ વધારો
- દૂધ બાદ દહીં અને છાશના ભાવમાં વધારો
- લોકોને હવે દૂધ, દહીં અને છાશ પણ પડશે મોંઘી
- દહીંના ભાવમાં 2 રૂપિયાનો વધારો
અમદાવાદ: દેશમાં અત્યારે મોટા ભાગની જીવનજરૂરીયાત વસ્તુઓનો ભાવ વધી રહ્યો છે. પેટ્રોલ-ડીઝલનો ભાવ કે જે 95 રૂપિયા જેટલો છે તે પણ લોકોને મોંઘો તો પડી રહ્યો છે પણ હવે તેવામાં અમૂલ દ્વારા પણ દૂધ-દહીં અને છાશનો ભાવ વધારી દેવામાં આવ્યો છે.
અમૂલ દૂધ બાદ દહીં-છાશના ભાવ વધ્યા છે અને નવા ભાવનો આજથી અમલ થશે જે પછી અમૂલ છાશના પેકેટ દીઠ એક રૂપિયો વધારે અને દહીંના ભાવમાં 2 રૂપિયા વધારે આપવા પડશે.
જાણકારો આ બાબતે કહી રહ્યા છે કે આ પ્રકારે વધતા ભાવની અસર રોજ જોવા મળશે નહીં પણ જ્યારે મહિનાના અંતમાં તેનો હિસાબ કરશો ત્યારે ખબર પડે છે કે કેટલી વસ્તુઓમાં વધારે કિંમત ચૂકવવી પડી છે.
