વર્ષ 2022 માં સૌથી વધુ ભારતીય પર્યટકો પહોંચ્યા નેપાળ,US-UK અને ઓસ્ટ્રેલિયાને પાછળ છોડ્યું
દિલ્હી:વર્ષ 2022માં ભારત નેપાળ માટે સૌથી મોટા પ્રવાસી બજાર તરીકે ઉભરી આવ્યું છે.પર્યટન અધિકારીઓએ સોમવારે આ માહિતી આપી હતી.તેમણે કહ્યું કે,નેપાળનો પર્યટન ઉદ્યોગ, જે કોરોના વાયરસ મહામારીને કારણે ધીમો પડી ગયો હતો, તે ધીમે ધીમે પુનઃપ્રાપ્ત થઈ રહ્યો છે. નેપાળ ટૂરિઝમ બોર્ડ (NTB) દ્વારા જાહેર કરવામાં આવેલા આંકડા અનુસાર, ગયા વર્ષે જાન્યુઆરીથી ડિસેમ્બર વચ્ચે કુલ 6,14,148 વિદેશી પ્રવાસીઓએ દેશની મુલાકાત લીધી હતી, જેમાંથી 2,09,105 પ્રવાસીઓ ભારતમાંથી આવ્યા હતા, ત્યારબાદ 77,009 પ્રવાસીઓ સાથે યુએસ અને બીજા ક્રમે આવ્યા હતા.44,781 પ્રવાસીઓ સાથે UK એ ત્રીજું સ્થાન મેળવ્યું.
માહિતી અનુસાર, ઓસ્ટ્રેલિયા 26,874 પ્રવાસીઓ સાથે ચોથા સ્થાને અને બાંગ્લાદેશ 25,384 પ્રવાસીઓ સાથે પાંચમા સ્થાને છે.NBTના મુખ્ય કાર્યકારી અધિકારી (CEO) ધનંજય રેગ્મીએ જણાવ્યું હતું કે,ગયા વર્ષે 6,14,148 પ્રવાસીઓએ દેશની મુલાકાત લીધી હતી જે દર્શાવે છે કે, નેપાળનું પ્રવાસન ક્ષેત્ર સુધરી રહ્યું છે.આંકડા મુજબ, વર્ષ 2021 દરમિયાન માત્ર 1,50,962 આંતરરાષ્ટ્રીય પ્રવાસીઓ નેપાળ આવ્યા હતા અને વર્ષ 2020માં માત્ર 2,30,085 જ આવ્યા હતા. મહામારીએ પ્રવાસન ઉદ્યોગને ફટકો માર્યો તે પહેલા વર્ષ 2019 દરમિયાન કુલ 1.2 મિલિયન પ્રવાસીઓએ નેપાળની મુલાકાત લીધી હતી.
ડેટા અનુસાર, ગયા વર્ષે ઓક્ટોબરમાં સૌથી વધુ 88,582 પ્રવાસીઓ હવાઈ માર્ગે આવ્યા હતા અને કુલ આંતરરાષ્ટ્રીય પ્રવાસીઓમાંથી 40.06 ટકા સાર્ક દેશોના હતા.નોંધપાત્ર રીતે, પ્રવાસન નેપાળી અર્થતંત્રનું એક મુખ્ય ક્ષેત્ર છે અને વિદેશી વિનિમય અને આવકનો મુખ્ય સ્ત્રોત છે. નેપાળના કુલ ગ્રોસ ડોમેસ્ટિક પ્રોડક્ટ (જીડીપી)માં પ્રવાસન ઉદ્યોગ 6.7 ટકા ફાળો આપે છે. વિશ્વના 10 સૌથી ઊંચા પર્વત શિખરોમાં સૌથી ઊંચા માઉન્ટ એવરેસ્ટ સહિત કુલ આઠ શિખરો છે, જેના કારણે તે પર્વતારોહકો માટે સૌથી પ્રિય સ્થળ છે.
