Homeગુજરાતીટ્વિટરના હેડક્વાર્ટરમાંથી હટાવાયો X Logo, આ કારણે એક્શન લેવાયું

ટ્વિટરના હેડક્વાર્ટરમાંથી હટાવાયો X Logo, આ કારણે એક્શન લેવાયું

દિલ્હી: એલન મસ્કે લગભગ એક અઠવાડિયા પહેલા ટ્વિટરનું નામ બદલીને X કર્યું, ત્યારથી કંપની દરેક જગ્યાએ X બ્રાન્ડિંગ લાગુ કરવાની પ્રક્રિયા પૂર્ણ કરી રહી છે. આ દરમિયાન વિશ્વના સૌથી ધનિક વ્યક્તિઓમાંના એક એલન મસ્કને મોટો ઝટકો લાગ્યો છે. વાસ્તવમાં, સોમવારે સવારે બહાર આવેલી માહિતીમાં એવું જાણવા મળ્યું છે કે ભૂતપૂર્વ ટ્વિટર હેડક્વાર્ટરની ઇમારત પર લગાવવામાં આવેલ લાઇટિંગ સાથેનો આકર્ષક X લોગો હટાવી દેવામાં આવ્યો છે.

થોડા દિવસો પહેલા સૈન ફ્રાન્સિસ્કો સ્થિત હેડક્વાર્ટરમાં નવો લોગો લગાવવામાં આવ્યો હતો. આસપાસના ઘણા લોકોએ આ નવા લોગો વિશે ફરિયાદ કરી હતી. તેમણે દાવો કર્યો હતો કે આ લોગોની લાઇટ રાત્રે વધુ ખલેલ પહોંચાડે છે.

રિપોર્ટ્સ અનુસાર, જ્યારે ઈન્સ્પેક્ટરે ફરિયાદ બાદ છત પર પહોંચવાનો પ્રયાસ કર્યો ત્યારે ટ્વિટર સતત છત પર જવાનો ઈન્કાર કરી રહ્યું છે. જણાવ્યું કે છત પરનો લોગો એક ઇવેન્ટ હેઠળ લગાવવામાં આવ્યો છે, જે અસ્થાયી છે.

સૈન ફ્રાન્સિસ્કો ડિપાર્ટમેન્ટ ઑફ બિલ્ડિંગ ઇન્સ્પેક્શન અને સિટી પ્લાનિંગના કમ્યુનિકેશન ડિરેક્ટર પેટ્રિક હેનને પુષ્ટિ આપી હતી કે ટ્વિટરનું હેડક્વાર્ટર ધરાવતી બિલ્ડિંગને પહેલેથી જ નોટિસ આપવામાં આવી હતી. એક સપ્તાહ દરમિયાન વિભાગને 24 જેટલી ફરિયાદો મળી હતી. આ પછી અમે આ લોગોને દૂર કરવાના છીએ. અધિકારીએ જણાવ્યું કે બિલ્ડિંગ માલિક પર દંડ પણ વસૂલવામાં આવ્યો છે.

એલન મસ્કે તાજેતરમાં બિલ્ડિંગ પર નવા લોગોના સેટઅપ પછી એક વીડિયો પણ પોસ્ટ કર્યો હતો. જેમાં ટ્વિટરનો લોગો એરિયલ વ્યૂમાં બતાવવામાં આવ્યો હતો. તેમજ રાત્રિના સમયે તે ખૂબ જ તેજ સાથે દેખાતું હતું.

એલન મસ્કે જુલાઈના છેલ્લા સપ્તાહમાં માઇક્રોબ્લોગિંગ સાઈટ ટ્વિટરનું નામ બદલીને X કરવાનો નિર્ણય લીધો હતો. આ સાથે કંપનીએ બ્લુ બર્ડ લોગોની જગ્યાએ X લોગોનો ઉપયોગ કરવાનું શરૂ કર્યું. પહેલા વેબ વર્ઝન પર આ ફેરફાર લાગુ કર્યો, પછી મોબાઈલ એપ માટે આ અપડેટ રીલીઝ કર્યું.

એલન મસ્કે ટ્વિટરની ટ્વીટને પોસ્ટમાં બદલી છે. થોડા દિવસો પહેલા આ અંગેની માહિતી પણ સામે આવી હતી હવે X પર ટ્વીટની જગ્યાએ પોસ્ટ જોઈ શકાશે

spot_img
spot_img
સંબંધિત લેખો
spot_img
spot_img

Most Popular

spot_img