Homeગુજરાતીઈઝરાયેલમાં ભારતીય નાગરિકની હત્યા, ફ્લેટમાંથી મૃતદેહ મળી આવ્યો

ઈઝરાયેલમાં ભારતીય નાગરિકની હત્યા, ફ્લેટમાંથી મૃતદેહ મળી આવ્યો

તેલ અવીવ, 20 ઓગસ્ટ 2026: શંકાસ્પદ સંજોગોમાં ભારતીય નાગરિક રાજીવ આચાર્યના મૃત્યુ અંગે ઈઝરાયેલથી મહત્વના સમાચાર સામે આવ્યા છે. આ ઘટના બાદ ત્વરિત કાર્યવાહી કરીને સ્થાનિક પોલીસે એક શંકાસ્પદ વ્યક્તિની ધરપકડ કરી છે. તેલ અવીવ સ્થિત ભારતીય દૂતાવાસે આ બાબતની પુષ્ટિ કરી છે.

સોશિયલ મીડિયા પ્લેટફોર્મ ‘X’ પર દુઃખ વ્યક્ત કરતા, ઇઝરાયેલ સ્થિત ભારતીય દૂતાવાસે જણાવ્યું હતું કે તેઓ આ ઘટનાની તમામ હકીકતો અને સંજોગો જાણવા માટે ઇઝરાયેલી સત્તાવાળાઓના સંપર્કમાં છે અને આ બાબત પર નજીકથી નજર રાખી રહ્યા છે.

મૃત્યુનું કારણ હજુ સ્પષ્ટ નથી

દૂતાવાસે હજુ સુધી રાજીવ આચાર્યના મૃત્યુનું કારણ કે આ ઘટનાને લગતી અન્ય વિગતો જાહેર કરી નથી. દરમિયાન, ભારતીય મિશને મૃતકના પરિવાર પ્રત્યે ઊંડી સંવેદના વ્યક્ત કરી છે અને શક્ય તમામ સહાય પૂરી પાડવાની ખાતરી આપી છે.

પ્રાદેશિક તણાવ અને તાજેતરની રાજદ્વારી વાતચીત

નોંધનીય છે કે આ ઘટના પશ્ચિમ એશિયામાં સતત તણાવની સ્થિતિ વચ્ચે બની છે. જોકે, ભારતીય દૂતાવાસે એ સ્પષ્ટ કર્યું નથી કે આ ઘટનાનો સંબંધ પ્રાદેશિક તણાવ સાથે છે કે કેમ. અગાઉ, આ મહિનાની શરૂઆતમાં ઇઝરાયેલના વડાપ્રધાન બેન્જામિન નેતન્યાહુ અને ભારતના વડાપ્રધાન નરેન્દ્ર મોદી વચ્ચે ટેલિફોનિક વાતચીત થઈ હતી.

બંને નેતાઓએ ભારત-ઇઝરાયેલ વચ્ચેની વિશેષ વ્યૂહાત્મક ભાગીદારીને મજબૂત કરવા અને વિવિધ ક્ષેત્રોમાં પરસ્પર સહયોગ વધારવા અંગે ચર્ચા કરી. આ ઉપરાંત, વિદેશ મંત્રાલયના પ્રવક્તા રણધીર જયસ્વાલે જણાવ્યું હતું કે આ વાતચીતની પહેલ ઇઝરાયેલ દ્વારા કરવામાં આવી હતી, જેમાં બંને દેશો વચ્ચેના સંબંધોને વધુ ગાઢ બનાવવા પર ભાર મૂકવામાં આવ્યો હતો.

વધુ વાંચો: ભાવનગરમાં નકલી ઈગ્લીંશ દારૂકાંડમાં મૃત્યાંક વધીને 7 થયો,  21 લોકો સામે કેસ નોંધાયા

spot_img
spot_img
સંબંધિત લેખો
spot_img
spot_img

Most Popular

spot_img