અક્ષય-ઈમરાનની ‘સેલ્ફી’નું બીજું ટ્રેલર રિલીઝ,24 ફેબ્રુઆરીએ સિનેમાઘરોમાં થશે રિલીઝ
મુંબઈ:બોલિવૂડ એક્ટર અક્ષય કુમાર અને ઈમરાન હાશ્મીની બહુપ્રતિક્ષિત કોમેડી-ડ્રામા ફિલ્મ ‘સેલ્ફી’નું બીજું ટ્રેલર રિલીઝ થયું છે, જેમાં ‘વિજય કુમાર’ એ પોતાની વાર્તા સંભળાવી છે.અગાઉ, ફિલ્મનું જે ટ્રેલર શેર કરવામાં આવ્યું હતું,તેમાં એક સામાન્ય માણસની વાર્તા બતાવવામાં આવી હતી. પરંતુ આ વખતે ટ્રેલરમાં અક્ષય કુમારના પાત્રની વાર્તા જોવા મળી રહી છે.ફિલ્મના બીજા ટ્રેલરમાં અક્ષય કુમાર અને ઈમરાન હાશ્મીની સાથે નુસરત ભરુચા અને ડાયના પેન્ટી પણ મહત્વની ભૂમિકામાં જોવા મળ્યા હતા.
ફિલ્મનું ટ્રેલર શેર કરતા અક્ષય કુમારે લખ્યું, ‘તમે સામાન્ય માણસની વાર્તા વિશે ઘણું સાંભળ્યું છે, હવે વિજય કુમારની પણ સાંભળો.’ ફિલ્મના ટ્રેલરમાં અક્ષય કુમાર અને ઈમરાન હાશ્મી વચ્ચેની ચર્ચા પણ જોવા મળી રહી છે.લાગે છે કે અક્ષય કુમાર અને ઈમરાન એકબીજા સાથે બદલો લઈ રહ્યા છે.આ ટ્રેલરમાં બતાવાયું છે કે કેવી રીતે એક સામાન્ય માણસ પોતાના પુત્ર માટે કોઈપણ હદ સુધી જવા તૈયાર હોય છે.ઈમરાન હાશ્મી તેને થયેલા અપમાનનો બદલો લેવા મક્કમ છે અને ભીડ સભામાં વિજયનું અપમાન કરે છે.હવે જોવાનું એ રહેશે કે આખરે કોણ જીતે છે.
રાજ મહેતા દ્વારા નિર્દેશિત ફિલ્મ ‘સેલ્ફી’ 24 ફેબ્રુઆરી, 2023 ના રોજ સિનેમાઘરોમાં આવશે.આ દિવસોમાં અક્ષય કુમાર આ ફિલ્મના પ્રમોશનમાં વ્યસ્ત છે અને શહેર-શહેરમાં ફરે છે.આ સાથે ફિલ્મના ગીતો પર સેલેબ્સ સાથે રીલ પણ બનાવવામાં આવી રહી છે.હાલમાં જ અક્ષય કુમારે સલમાન ખાન સાથે ફિલ્મના ગીત પર એક વીડિયો પણ શેર કર્યો હતો, જેમાં બંને સ્ટાર્સ સાથે ડાન્સ કરતા જોવા મળ્યા હતા. આ ફિલ્મમાં અક્ષય કુમાર અને ઈમરાન હાશ્મી પહેલીવાર સાથે સ્ક્રીન શેર કરી રહ્યા છે. બંનેની આ ફિલ્મ દર્શકોને પસંદ આવે છે કે નહીં તે જોવાનું રહેશે.
