વિશ્વના સૌથી ધનિક વ્યક્તિ એલન મસ્કે નવા વર્ષ પર યુવાનો અને વિદ્યાર્થીઓને આપ્યો આ સંદેશ
- વિશ્વના સૌથી ધનિક વ્યક્તિ એલન મસ્કે આપ્યો સંદેશ
- નવા વર્ષ પર યુવાનો અને વિદ્યાર્થીઓને આપ્યો સંદેશ
- પુસ્તકો વાંચો અને પોતાનું જનરલ નોલેજ વધારો
- સ્કિલ માટે ડીગ્રીની જરૂર નહીં
- એકવર્ષમાં 114 બિલિયન ડોલરનો ઉછાળો
વિશ્વના સૌથી અમીર વ્યક્તિ એલન મસ્કે નવા વર્ષ નિમિત્તે વિશ્વના યુવાનોને સંદેશ આપ્યો છે. જેમાં તેઓએ જણાવ્યું કે, વિદ્યાર્થીઓને મારી સલાહ હશે કે પુસ્તક વાંચવા પર ધ્યાન આપે. નેતા બનવાનું ટાળો અને લોકોને મદદ કરો. યુવાનોને સલાહ આપતાં કહ્યું કે,જીવનમાં મોટું કરવું હોય તો જીવનમાં ઉપયોગી બનવાનો પ્રયાસ કરો.
મસ્કે કહ્યું કે,યુવાનો માટે હંમેશા મારો અભિપ્રાય રહેશે કે, તેઓએ જીવનમાં કંઈક એવું કામ કરવું જોઈએ જેની સમાજ, દુનિયા અને અન્ય લોકો પર સકારાત્મક અસર પડે. વિશ્વમાં ઉપયોગી બનવું ખૂબ જ મુશ્કેલ છે. તેમણે યુવાનોને જીવનમાં તમે જે ખાઓ છો તેના કરતાં વધુ યોગદાન આપવા જણાવ્યું હતું.
તેમણે વિદ્યાર્થીઓને પુસ્તક વાંચવા પર ભાર આપવા અને સામાન્ય જ્ઞાનને મજબૂત કરવા જણાવ્યું હતું. આનાથી તેઓ જાણશે કે તમારી આસપાસની દુનિયામાં શું થઈ રહ્યું છે. જીવનમાં બને તેટલા લોકો સાથે સંપર્ક કરો. વિશ્વમાં વિવિધ પ્રકારના લોકોનો સંપર્ક કરવાથી તમારું વર્તુળ વિસ્તરે છે અને તમારો વિકાસ થાય છે.
આ પહેલા 2014માં મસ્કે એક ઈન્ટરવ્યુમાં કહ્યું હતું કે,હું મારી કંપનીમાં એવા કર્મચારીઓને રાખવા માંગુ છું જેઓ ખાસ ટેલેન્ટ ધરાવતા હોય. મોટી યુનિવર્સિટીમાંથી અભ્યાસ કરવાનો અર્થ એ નથી કે તે ખૂબ જ વિશેષ છે. ડિગ્રી માટે કૌશલ્ય જરૂરી નથી.એવું જરૂરી નથી કે જેણે હાઈસ્કૂલ પાસ કરી નથી, તેની પાસે પ્રતિભા અને કૌશલ્ય નથી.ઉદાહરણ તરીકે તેણે બિલ ગેટ્સ, લેરી એલિસન, સ્ટીવ જોબ્સ જેવા લોકોના નામ લીધા.આ લોકો ગ્રેજ્યુએટ પણ નથી.
એલન મસ્ક હાલમાં વિશ્વના સૌથી અમીર વ્યક્તિ છે. તેમની કુલ સંપત્તિ 270 બિલિયન ડોલર છે. છેલ્લા એક વર્ષમાં તેમની સંપત્તિમાં 114 અબજ ડોલરનો વધારો થયો છે. વર્ષ 2021 મસ્ક માટે શાનદાર રહ્યું છે. તેણે ઘણી સફળતાઓ હાંસલ કરી. વાર્ષિક ધોરણે સંપત્તિ વધારવાના મામલે પણ તેઓ વિશ્વમાં નંબર વન છે.
