Homeગુજરાતીએશિયન ગેમ્સ 2023: ભારતે તીરંદાજીમાં ગોલ્ડ મેડલ જીતીને રચ્યો ઈતિહાસ

એશિયન ગેમ્સ 2023: ભારતે તીરંદાજીમાં ગોલ્ડ મેડલ જીતીને રચ્યો ઈતિહાસ

  • આજે એશિયન ગેમ્સનો 11 મો દિવસ
  • ભારતે રચ્યો ઇતિહાસ 
  • તીરંદાજીમાં ભારતે જીત્યો ગોલ્ડ
  • ગત સિઝનનો તોડ્યો રેકોર્ડ

મુંબઈ: એશિયન ગેમ્સ 2023માં ભારતીય ખેલાડીઓ ખૂબ જ સારું પ્રદર્શન કરી રહ્યા છે. જ્યોતિ વેન્નમ અને ઓજસ દેવતાલે તીરંદાજીની કમ્પાઉન્ડ મિક્સ્ડ ઇવેંટમાં ભારત માટે કમાલ કરી હતી અને ગોલ્ડ મેડલ જીત્યો હતો. તેઓએ ફાઇનલમાં રિપબ્લિક ઓફ કોરિયાના SO Chaewon અને JOO Jaehoon ને હરાવ્યા. આ મેડલ જીતીને ભારતે એશિયન ગેમ્સમાં એક મોટો રેકોર્ડ બનાવ્યો છે.

તીરંદાજીની કમ્પાઉન્ડ મિક્સ્ડ ઇવેંટમાં જ્યોતિ વેન્નમ અને ઓજસ દેવતાલે 159નો સ્કોર કર્યો હતો. જ્યારે કોરિયન જોડીએ 158 રન બનાવ્યા હતા. કોરિયન જોડી ભારતીય જોડી સામે ટકી ન શકી અને મેચ હારી ગઈ. અગાઉ, ભારતીય તીરંદાજ જ્યોતિ અને ઓજસે સેમિફાઇનલમાં કઝાકિસ્તાનની આદેલ ઝેશેનબિનોવા અને આન્દ્રે ટ્યુટ્યુનની જોડી સામે નવ પોઈન્ટ સિવાય દર વખતે 10 પોઈન્ટ મેળવ્યા હતા.ભારતીય જોડીએ ક્વાર્ટર ફાઇનલમાં મલેશિયાની મોહમ્મદ જુવૈદી બિન મઝુકી અને ફાતિન નૂરફત્તાહ મેટ સાલેહની જોડીને હરાવી હતી. હવે તેણે ફાઇનલમાં પણ પોતાનું શાનદાર પ્રદર્શન ચાલુ રાખ્યું અને ગોલ્ડ મેડલ જીત્યો.

ભારતે અત્યાર સુધીમાં કુલ 69 મેડલ જીત્યા છે, જેમાં 15 ગોલ્ડ મેડલનો સમાવેશ થાય છે. આજે એશિયન ગેમ્સના 11મા દિવસે ભાલા, તીરંદાજી, ઘોડેસવારી અને બોક્સિંગમાં મેડલની અપેક્ષા છે. જો ભારતીય ખેલાડીઓ આજે વધુ બે મેડલ જીતશે તો તેઓ તેમનો અગાઉનો રેકોર્ડ તોડી નાખશે. એશિયન ગેમ્સ 2018માં ભારતે 70 મેડલ જીત્યા હતા.

spot_img
spot_img
સંબંધિત લેખો
spot_img
spot_img

Most Popular

spot_img