ભારતે પોતાની પ્રકારની પ્રથમ નેવલ એન્ટી-શિપ મિસાઈલનું સફળ પરીક્ષણ કર્યું છે. ડિફેન્સ રિસર્ચ ઓર્ગેનાઈઝેશન (DRDO) અને નૌકાદળએ ઓડિશાના ચાંદીપુર ખાતે ઈન્ટીગ્રેટેડ ટેસ્ટ રેન્જમાંથી સંયુક્ત રીતે નેવલ એન્ટી-શિપ મિસાઈલ (NASM-SR)નું પરીક્ષણ કર્યું. રક્ષા મંત્રી રાજનાથ સિંહે આ માટે નેવી અને ડીઆરડીઓને અભિનંદન પાઠવ્યા છે.
રક્ષા મંત્રાલય દ્વારા જારી કરવામાં આવેલા એક નિવેદનમાં કહેવામાં આવ્યું છે કે, આ પોતાના પ્રકારની પ્રથમ નૌકાદળ વિરોધી મિસાઈલ છે, જેને DRDO દ્વારા વિકસિત કરવામાં આવી છે. DRDOએ સોશિયલ મીડિયા પર તેનો એક વીડિયો શેર કર્યો અને લખ્યું, મિસાઈલના મેન-ઈન-લૂપ ફિચર્સ પરીક્ષણો દ્વારા માસ્ટ કરવામાં આવ્યા છે. તેની મહત્તમ રેન્જ પર સી-સ્કિમિંગ મોડમાં નાના જહાજ લક્ષ્ય પર સીધો હિટ હાંસલ કરવામાં આવ્યો હતો. પરીક્ષણ દરમિયાન, મિસાઈલે સીધા જ તેને નિશાન બનાવતા નાના જહાજ સામે અત્યંત અસરકારક પ્રહારો કર્યા, જે મિસાઈલની ચોકસાઈ અને શક્તિશાળી શ્રેણીનો પુરાવો છે. તે મિડિયમ રેન્જ સ્ટ્રાઈક ક્ષમતા ધરાવતી મિસાઈલ છે.
નેવી માટે માઈલસ્ટોન
સંરક્ષણ મંત્રાલયે કહ્યું, આ પરીક્ષણ નૌકાદળ માટે એક મહત્વપૂર્ણ સીમાચિહ્નરૂપ છે, કારણ કે આ મિસાઈલની ક્ષમતાએ સાબિત કર્યું છે કે તે કોઈપણ દુશ્મન શિપ ફોર્સને અસરકારક રીતે નષ્ટ કરવામાં સક્ષમ છે. NASM-SR મિસાઇલ એક મજબૂત હથિયાર તરીકે ભારતીય નૌકાદળના કાફલામાં ઉમેરવા માટે તૈયાર છે.