BUSINESSગુજરાતી

ભારતના અર્થતંત્રમાં રિકવરી, ત્રીજા ત્રિમાસિક ગાળામાં 0.4% રહ્યો જીડીપી ગ્રોથ

  • ભારતના અર્થતંત્રમાં રિકવરીના સંકેત
  • ત્રીજા ત્રિમાસિક ગાળામાં 0.4 ટકા રહ્યો જીડીપી ગ્રોથ
  • વર્ષ 2019-20માં ત્રીજા ત્રિમાસિકમાં જીડીપી વિકાસ દર 3.3 ટકા હતો

નવી દિલ્હી: એક વર્ષથી કોરોના મહામારી તેમજ લોકડાઉન જેવી વિપરિત સ્થિતિઓને કારણે પ્રભાવિત અર્થતંત્રને લઇને હવે રિકવરીના સંકેતો મળી રહ્યા છે. તાજેતરમાં NSOએ પ્રવર્તમાન નાણાકીય વર્ષના ડિસેમ્બરમાં પૂર્ણ થતાં ત્રીજા ત્રિમાસિક ગાળા માટે જીડીપી આંકડા જાહેર કર્યા હતા. આ આંકડાઓ અનુસાર દેશના અર્થતંત્રમાં 0.4 ટકાનો વિકાસ નોંધાયો છે. વર્ષ 2019-20માં ત્રીજા ત્રિમાસિકમાં જીડીપી વિકાસ દર 3.3 ટકા હતો.

આંકડાઓ દર્શાવે છે કે ભારતનું અર્થતંત્ર મંદીના કપરા ચઢાણ પાર કરી ચૂક્યું છે અને સકારાત્મક દિશામાં આગળ વધી રહ્યું છે. નાણાકીય વર્ષ 2020-21ના પહેલા બે ત્રિમાસિક ગાળામાં ભારતનો જીડીપી ગ્રોથ રેટ નકારાત્મક હતો.

કોરોના કાળમાં લોકડાઉનથી પ્રભાવિત જૂનની ત્રિમાસિક દરમિયાન વિકાસ દર રેકોર્ડ 23.9%નો ઘટાડો થયો હતો. જ્યારે બીજી ત્રિમાસિકમાં 7.5%નો ઘટાડો નોંધાયો હતો. એનએસઓએ 2020-21માં જીડીપી દરમાં 8%ના ઘટાડાનું અનુમાન લગાવ્યું હતું, જાન્યુઆરીમાં જાહેર કરાયેલા અનુમાનોમાં એનએસઓએ ચાલુ નાણાંકીય વર્ષ માટે 2019-20માં 4%ના વિકાસ દર સામે 7.7%ના ઘટાડાનું અનુમાન લગાવ્યું હતું.

જોકે વૈશ્વિક કોરોના મહામારીથી પ્રભાવિત ભારતની અર્થવ્યવસ્થાને લઇને અનુમાન લગાવવામાં આવ્યા હતા કે, નાણાંકીય વર્ષની ત્રીજી ત્રિમાસિકમાં વિકાસ દર 0.5% રહી શકે છે. પરંતુ એનએસઓના આંકડા મુજબ ઓક્ટોબર-ડિસેમ્બરની ત્રીજી ત્રિમાસિકમાં જીડીપી ગ્રોથ 0.4% રહ્યો. ભારત દેશ હવે એ દેશોની યાદીમાં સામેલ થઇ ચૂક્યો છે જેઓએ 2020ના અંતમાં સકારાત્મક ગ્રોથ રેટ ફરીથી મેળવી લેવામાં સફળતા મેળવી હતી. પરંતુ દેશના કેટલાક રાજ્યોમાં કોરોના સંક્રમણના કેસો વધતા ચિંતા વધી રહી છે.

(સંકેત)

Related posts
SPORTSગુજરાતી

હવે એબી ડિવિલિયર્સ ક્યારેય આંતરરાષ્ટ્રીય ક્રિકેટમાં નહીં કરે વાપસી, ક્રિકેટ ફેન્સમાં નારાજગી

એબી ડિવિલિયર્સની આંતરરાષ્ટ્રીય ક્રિકેટમાં વાપસીની અટકળોનો આવ્યો અંત હવે એબી ડિવિલિયર્સ આંતરરાષ્ટ્રીય ક્રિકેટમાં નહીં કરે વાપસી સંન્યાસ બાદ એબી ડિવિલિયર્સ હવે મેદાન…
Regionalગુજરાતી

તાઉ-તે વાવાઝોડું અમદાવાદને ધમરોળીને ઉત્તર ગુજરાત તરફ આગળ વધ્યુઃ કુલ 9ના મોત

અમદાવાદઃ તાઉ-તે વાવાઝોડું અમદાવાદને ધમરોળ્યા બાદ ઉત્તર ગુજરાત તરફ આગળ વધી રહ્યું છે. સમીસાંજ બાદ પાટણમાં જોરદાર વરસાદ પડી રહ્યો છે.તેમજ બનાસકાંઠાંમાં…
ENTERTAINMENTગુજરાતી

ફિલ્મોમાં માતાનો અભિનય કરનારી અભિનેત્રી રીમા લાગુની પુણ્યતિથીઃ કેરિયરની શરૂઆત મરાઠી ફિલ્મોથી કરી હતી

મુંબઈઃ હિન્દી ફિલ્મોમાં માતાનો અભિનય કરીને લોકપ્રિય થયેલી અભિનેત્રી રીમા લાગુની આજે પુણ્યતિથી છે. વર્ષ 2017માં આજના જ દિવસે હાર્ટ એટેકથી તેમનું…

Leave a Reply