- SBIએ પોતાના ગ્રાહકોને ચેતવ્યા
- આ પ્રકારની તકેદારી રાખવા કહ્યું
- અન્યથા ખાતું થઇ જશે ખાલી
નવી દિલ્હી: દેશની સૌથી મોટી સરકારી બેંક ભારતીય સ્ટેટ બેંકે પોતાના ગ્રાહકોને સતર્ક કર્યા છે. SBI એ પોતાના ગ્રાહકોને સતર્ક કરતાં સલાહ આપી છે કે ફ્રોડથી સતર્ક રહે અને કોઇપણ સંવેદનશીલ જાણકારી કોઇ અજાણ્યા વ્યક્તિ સાથે શેર ના કરે અને કોઇ અજ્ઞાત સ્ત્રોતમાંથી કોઇ એપ ડાઉનલોડ ના કરે. જો આ સતર્કતા રાખવામાં નહીં આવે તો તમે ઑનલાઇન ફ્રોડના શિકાર બની શકો છો તેવી ચેતવણી SBIએ આપી છે.
SBIએ જણાવ્યું હતું કે, અમારું કર્તવ્ય છે કે અમે તમને ઑનલાઇન ફ્રોડનો શિકાર થતા બચાવીએ. એટલે અમે ગ્રાહકોને સલાહ આપીએ છીએ કે ફ્રોડથી સતર્ક રહો અને કોઇપણ ગોપનીય કે સંવેદનશીલ જાણકારી કોઇ સાથે ઑનલાઇન શેર ના કરો.
આ બાબતોનું ખાસ ધ્યાન રાખો
- તે જરૂરી છે કે તમે માનક નિયમોનું પાલન કરો અને તમારી વ્યક્તિગત અને બેંકિંગ વિગતો અજાણ્યા વ્યક્તિ સાથે શેર ન કરો.
- ઇએમઆઈ, DBT, PM કેર ફંડ અથવા અન્ય કોઇ કેર ફંડ માટે વન ટાઇમ પાસવર્ડ (OTP) અથવા બેંક વિગતો માટે પૂછતી કોઈપણ અનૌપચારિક લિંક પર ક્લિક ન કરો.
- એસએમએસ, ઇ-મેઇલ, પત્ર, ફોન કોલ અથવા જાહેરાત દ્વારા લોટરી, રોકડ ઇનામ અથવા જોબ તકો પૂરા પાડવાનો દાવો કરતી નકલી યોજનાઓથી સાવચેત રહો.
- સમયાંતરે બેંક સંબંધિત તમારો પાસવર્ડ બદલો.
- કૃપા કરીને ધ્યાનમાં રાખો કે SBIના પ્રતિનિધિઓ તેમના ગ્રાહકોને તેમની વ્યક્તિગત માહિતી, પાસવર્ડ્સ, ઉચ્ચ સુરક્ષા પાસવર્ડ્સ અથવા ઓટીપી માટે ક્યારેય ઇમેઇલ અથવા એસએમએસ મોકલતા નથી.
- એસબીઆઈને લગતા સંપર્ક નંબરો અને અન્ય વિગતો માટે, ફક્ત એસબીઆઈની વેબસાઇટનો ઉપયોગ કરો.
- આ સંદર્ભે ઇન્ટરનેટ શોધ પરિણામો પર ઉપલબ્ધ માહિતી પર આધાર રાખશો નહીં.
- છેતરપિંડી કરનારાઓની જાણ તાત્કાલિક સ્થાનિક પોલીસ અધિકારીને કરો અને તમારી નજીકની એસબીઆઈ શાખાને જાણ કરો.
