દિલ્હી:સેન્ટ્રલ બોર્ડ ઓફ સેકન્ડરી એજ્યુકેશન (CBSE) વિદ્યાર્થીઓને તમામ ભારતીય ભાષાઓમાં અભ્યાસ કરવાનો વિકલ્પ પ્રદાન કરવા જઈ રહ્યું છે. રાષ્ટ્રીય શિક્ષણ નીતિ 2020 ના બહુભાષી શિક્ષણને પ્રોત્સાહન આપવા માટે બોર્ડ દ્વારા સંલગ્ન શાળાઓને એક પરિપત્ર જારી કરવામાં આવ્યો છે. CBSEના આ પગલાની પ્રશંસા કરતા કેન્દ્રીય શિક્ષણ મંત્રી ધર્મેન્દ્ર પ્રધાને અભિનંદન પાઠવ્યા છે.
પરિપત્ર બહાર પાડતા CBSE બોર્ડે કહ્યું કે રાષ્ટ્રીય શિક્ષણ નીતિ 2020 યુવા વિદ્યાર્થીઓ માટે બહુભાષીયતાના મહત્વ અને જ્ઞાનાત્મક લાભો પર ભાર મૂકે છે. સીબીએસઈનો આ મહત્વપૂર્ણ પરિપત્ર પ્રાથમિક વર્ગોથી લઈને ધોરણ 12 સુધી સૂચનાઓના વૈકલ્પિક માધ્યમ તરીકે ભારતીય ભાષાઓના ઉપયોગને પુનરાવર્તિત કરે છે.
વિદ્યાર્થીઓ વચ્ચે ભાષાકીય વિવિધતા, સાંસ્કૃતિક સમજણ સાથે બહુભાષી શિક્ષણને પ્રોત્સાહન આપવા માટે રાષ્ટ્રીય શિક્ષણ નીતિ 2020 ની કલમ 4.12 માં બહુભાષીયતાના ફાયદા જણાવે છે. તે જણાવે છે કે માતૃભાષા સાથે શિક્ષણના માધ્યમ તરીકે માતૃભાષા, સ્થાનિક ભાષા અથવા પ્રાદેશિક ભાષાનો ઉપયોગ કરવો જોઈએ, ઓછામાં ઓછા ધોરણ પાંચ અને ધોરણ આઠ સુધી.
કેન્દ્રીય શિક્ષણ મંત્રી ધર્મેન્દ્ર પ્રધાને CBSE દ્વારા જારી કરાયેલા આ પરિપત્રની પ્રશંસા કરી છે. તેણે ટ્વીટ કર્યું કે હું CBSEને તેની તમામ શાળાઓમાં બાલવાટિકા થી ધોરણ 12મા સુધી ભારતીય ભાષાઓમાં શિક્ષણનો વિકલ્પ આપવા બદલ અભિનંદન આપું છું. તે નેશનલ એજ્યુકેશન પોલિસી (NEP) માં દર્શાવ્યા મુજબ શાળાઓમાં ભારતીય ભાષા આધારિત શિક્ષણને પ્રોત્સાહન આપશે. શિક્ષણમાં સારા પરિણામો તરફ આ એક સારી શરૂઆત છે.
अपने सभी विद्यालयों में बालवाटिका से कक्षा 12वीं तक भारतीय भाषाओं में शिक्षा का विकल्प उपलब्ध कराने के लिए सीबीएसई को बधाई देता हूँ।
NEP की परिकल्पना के अनुरूप यह विद्यालयों में भारतीय भाषा आधारित शिक्षा को बढ़ावा देगा। शिक्षा में बेहतर outcomes की दिशा में यह एक अच्छी शुरुआत… pic.twitter.com/dhivp0rHzs
— Dharmendra Pradhan (@dpradhanbjp) July 21, 2023
