- ચોમાસુ સમગ્ર દેશમાં આગળ વધ્યું
- આ મહિનામાં સારા વરસાદની શક્યતા
- જૂનમાં સરેરાશ કરતાં 8 ટકા ઓછો વરસાદ
દિલ્હી:ગુજરાત અને રાજસ્થાનમાં મોસમી વરસાદ સાથે દક્ષિણ પશ્ચિમ ચોમાસુ સમગ્ર દેશમાં આગળ વધ્યું છે.હવામાન વિભાગ (IMD) એ જણાવ્યું હતું કે, “સામાન્ય તારીખ 8 જુલાઈના છ દિવસ પહેલા, દક્ષિણ પશ્ચિમ ચોમાસાએ શનિવારે દેશભરમાં દસ્તક આપી છે પરંતુ આ સિઝનમાં સરેરાશ વરસાદ 5 ટકા ઓછો છે.
વિશ્વના બીજા ક્રમના સૌથી વધુ વસ્તી ધરાવતા દેશમાં કૃષિ ઉત્પાદન અને આર્થિક વિકાસ માટે નિર્ણાયક ચોમાસું સામાન્ય કરતાં ત્રણ દિવસ પહેલા 29 મેના રોજ દક્ષિણ કેરળ રાજ્યના દરિયાકાંઠે પહોંચ્યું હતું.આશાસ્પદ શરૂઆત પછી વરસાદમાં ધીમે ધીમે ઘટાડા સાથે અને જૂનમાં 8 ટકાથી ઓછો વરસાદ થયો છે.હવામાનશાસ્ત્રીઓ અપેક્ષા રાખે છે કે,આગામી મહિનામાં ચોમાસું ઝડપી બનશે અને જુલાઈમાં સારો વરસાદ થશે.
જૂનમાં ચોમાસાની ઉદાસીનતાએ ખરીફ વાવણી પર ભારે ભાર મૂક્યો છે. ગયા વર્ષની સરખામણીમાં વાવણીમાં લગભગ 5.33 ટકાનો ઘટાડો નોંધાયો છે. દેશ પણ ખરીફ પાકની ઓછી વાવણીના ભયનો સામનો કરી રહ્યો છે, કારણ કે ગયા વર્ષે સમાન સમયે 294.42 લાખ હેક્ટરમાં આ વર્ષે માત્ર 278.72 લાખ હેક્ટરમાં જ ખરીફ પાકનું વાવેતર થયું છે.
