વૈષ્ણોદેવી દરબારમાં ભક્તોની ભીડ,અત્યાર સુધીમાં આટલા લાખથી વધુ ભક્તો માતાના દરબારમાં પહોંચ્યા

જમ્મુ: શ્રી માતા વૈષ્ણો દેવીની પવિત્ર ગુફાની મુલાકાત લેનારા તીર્થયાત્રીઓની સંખ્યા દર મહિને વધી રહી છે, આ વર્ષે સપ્ટેમ્બર સુધીમાં 73 લાખથી વધુ શ્રદ્ધાળુઓએ ગર્ભગૃહની મુલાકાત લીધી હતી. આ મંદિર જમ્મુ અને કાશ્મીરના રિયાસી જિલ્લાની ત્રિકુટા પહાડીઓમાં આવેલું છે. એક અધિકારીએ કહ્યું કે એવી અપેક્ષા છે કે આ વર્ષે યાત્રાનો આંકડો એક કરોડની નજીક હોઈ શકે છે.તેમણે કહ્યું, “ગયા વર્ષની સરખામણીમાં આ વર્ષે શ્રી માતા વૈષ્ણો દેવીની યાત્રા દર મહિને વધી રહી છે અને જો આ જ સિલસિલો ચાલુ રહેશે તો આ વર્ષે તીર્થયાત્રાનો આંકડો એક કરોડની નજીક પહોંચી જશે.

અધિકારીએ જણાવ્યું કે શ્રી માતા વૈષ્ણોદેવી શ્રાઈન બોર્ડ શ્રદ્ધાળુઓને તેમની સુવિધા માટે અદ્યતન સુવિધાઓ ઉમેરીને પ્રોત્સાહિત કરી રહ્યું છે. તેમણે કહ્યું કે આ વર્ષના પ્રથમ નવ મહિનામાં સપ્ટેમ્બર સુધી 73,25,298 ભક્તોએ માતા વૈષ્ણો દેવી મંદિરની મુલાકાત લીધી હતી અને 2022માં સમાન સમયગાળામાં 72,10,139 ભક્તોએ મુલાકાત લીધી હતી, જે 1,15,159 શ્રદ્ધાળુઓનો વધારો છે.બ્રેક-અપ શેર કરતી વખતે તેમણે કહ્યું કે જાન્યુઆરી 2023માં 5,24,189, ફેબ્રુઆરીમાં 4,14,432, માર્ચમાં 8,94,650, એપ્રિલમાં 10,18,540, મેમાં 9,95,773, જૂનમાં 11,95,844, જુલાઈમાં 7 , 76,800,ઓગસ્ટમાં 7,10,914 અને સપ્ટેમ્બરમાં 7,94,156 ભક્તો આવ્યા.

તેમણે કહ્યું ,આમ યાત્રાધામની મુલાકાત લેનારા લોકોની કુલ સંખ્યા 73,25,298 લાખ પર પહોંચી છે. “તાજેતરની રજાઓને ધ્યાનમાં રાખીને બેઝ કેમ્પ કટરા શહેર યાત્રાળુઓથી ધમધમતું હતું,” શ્રી માતા વૈષ્ણોદેવી શ્રાઈન બોર્ડના મુખ્ય કાર્યકારી અધિકારી (CEO) એ જણાવ્યું હતું કે નવરાત્રી પહેલા યાત્રિકો માટે તમામ પર્યાપ્ત વ્યવસ્થા કરવામાં આવી રહી છે. તેમણે કહ્યું કે, “તીર્થયાત્રીઓની સુવિધા માટે બિલ્ડિંગમાં આધુનિક સ્કાયવોક ફ્લાયઓવર અને લોકર્સ પણ શરૂ કરવામાં આવશે.”