ઘરમાં દિવો દરરોજ કરો છો તો તેની પાછળનું કારણ ખબર છે? જાણો
આપણા હિંદુ ધર્મમાં દિવો કરવો તેને ખુબ પવિત્ર માનવામાં આવે છે, અગ્નિની આપણે દેવતા તરીકે પૂજા કરીએ છે અને તેની સાથે આપણી આસ્થા, શ્રધ્ધા અને વિશ્વાસ જોડાયેલો છે. આવામાં દરેક ઘરમાં દિવો તો થતો જ હશે. તો તેની પાછળ પણ એક કારણ છે અને તે જાણવા જેવું છે.
વાત એવી છે કે એવું માનવામાં આવે છે કે દીવાના પ્રકાશથી વ્યક્તિના જીવનનો અંધકાર દૂર થાય છે અને તેના વિચારો સકારાત્મક બને છે. દીવો પ્રગટાવવાથી ઘરની નકારાત્મકતા દૂર થાય છે અને તે ઘરમાં રહેતા સભ્યોનું મન શાંત થાય છે. પરંતુ દીવો પ્રગટાવવાના કેટલાક નિયમો છે, જેના વિશે લોકો ઘણીવાર જાણતા નથી.
દરરોજ પૂજાના સમયે, સવારે અને સાંજે દીપક પ્રગટાવવામાં આવે છે. દિવાળી વગેરે જેવા કોઈપણ તહેવાર અથવા શુભ અવસર પર લોકો દીવો પ્રગટાવે છે. અખંડ રામાયણનો પાઠ કરતી વખતે, નવરાત્રિ વગેરે પ્રસંગોએ દીવો પ્રગટાવવામાં આવે છે.
દિવાને લઈને એવું કહેવામાં આવે છે કે દિવાથી જેટલી વહેલી પૂજા કરવામાં આવે છે, તે વધુ શુભ છે કારણ કે ધ્યાન સવારે સારી રીતે કેન્દ્રિત છે. પૂજા દરમિયાન દીવો પ્રગટાવવાનો શ્રેષ્ઠ સમય સવારે 5 થી 10 અને સાંજે 5 થી 7 સુધીનો સમય શુભ છે. દીવો પૂર્વ કે ઉત્તર દિશા તરફ રાખવો શુભ માનવામાં આવે છે. પશ્ચિમ દિશામાં રાખવાથી આર્થિક સંકટમાં વધારો થાય છે. સાથે જ દક્ષિણ દિશા તરફ દીવો પિતૃઓ માટે પ્રગટાવવામાં આવે છે.
પૂજા સમયે દીવો પ્રગટાવતી વખતે એ જાણવું ખૂબ જ જરૂરી છે કે દીવો ક્યાં રાખવો જોઈએ અને દીવામાં કેવા પ્રકારની વાટનો ઉપયોગ કરવો જોઈએ. જો તમે ઘીનો દીવો પ્રગટાવતા હોવ તો તેને તમારા ડાબા હાથે ભગવાનની સામે રાખો અને તેલનો દીવો જમણી બાજુ રાખો. ઘીના દીવામાં હંમેશા રૂની વાટનો ઉપયોગ કરો. પરંતુ તેલના દીવામાં લાલ દોરાની વાટનો ઉપયોગ કરવો વધુ સારું માનવામાં આવે છે.
જો કે આ જાણકારી માત્ર શ્રદ્ધાનો વિષય છે અને કોઈના વિશ્વાસને ઠેસ પહોંચે તે ઉદેશ્યથી આ લેખ લખવામાં આવ્યો નથી. આ બાબતે કોઈ પૃષ્ટી કરવામાં આવતી નથી.
