એશિયન ગેમ્સ 2023નો આજે શાનદાર ઉદ્ઘાટન સમારોહ, જાણો ક્યાં અને કયા સમયે શરૂ થશે
દિલ્હી: એશિયન ગેમ્સ 2023 આજથી એટલે કે 23 સપ્ટેમ્બરથી 8 ઓક્ટોબર દરમિયાન ચીનના હાંગઝોઉમાં યોજાવાની છે. 19મી એશિયન ગેમ્સનો ઉદ્ઘાટન સમારોહ 23 સપ્ટેમ્બરના રોજ હાંગઝોઉ ઓલિમ્પિક સ્પોર્ટ્સ સેન્ટર સ્ટેડિયમમાં યોજાશે. ભારતીય પુરૂષ હોકી ટીમના કેપ્ટન હરમનપ્રીત સિંહ અને સ્ટાર મહિલા બોક્સર લવલિના બોર્ગોહેન આ ભવ્ય ઉદ્ઘાટન સમારોહમાં ભારતના ધ્વજવાહક હશે. આ વખતે એશિયન ગેમ્સમાં ભારતના 655 ખેલાડીઓ ભાગ લેવાના છે. એશિયન ગેમ્સના ઈતિહાસમાં આ વખતે ભારતમાંથી સૌથી વધુ ખેલાડીઓ ભાગ લઈ રહ્યા છે.
આ સમયે ઉદ્ઘાટન સમારોહ શરૂ થશે
19મી એશિયન ગેમ્સનો ઉદ્ઘાટન સમારોહ 23મી સપ્ટેમ્બરે હાંગઝોઉ ઓલિમ્પિક સ્પોર્ટ્સ સેન્ટર સ્ટેડિયમમાં સાંજે 5:30 કલાકે શાનદાર સમારોહ સાથે શરૂ થશે. સ્ટેડિયમને બિગ લોટસ તરીકે પણ ઓળખવામાં આવે છે અને તેનું નિર્માણ 2018માં કરવામાં આવ્યું હતું. આ સ્ટેડિયમમાં 80000 દર્શકોની બેઠક ક્ષમતા છે. ઉદ્ઘાટન સમારોહમાં ડિજિટલ મશાલ પ્રગટાવવાનો કાર્યક્રમ પણ યોજાશે. તે જ સમયે, આર્ટિફિશિયલ ઈન્ટેલિજન્સની મદદથી ચીનની પ્રગતિ અને દેશના ઐતિહાસિક અને સાંસ્કૃતિક મહત્વ પર ભાર મુકવામાં આવે તેવી અપેક્ષા છે.
ઉદ્ઘાટન સમારોહમાં ચીનના રાષ્ટ્રપતિ જિનપિંગ અને કોરિયા ગણરાજ્ય ના વડા પ્રધાન હાન ડક-સૂ, સીરિયાના રાષ્ટ્રપતિ બશર અલ-અસદ હાજર રહેશે. ભારતના અનુરાગ ઠાકુર તેમાં હાજરી આપવાના હતા. પરંતુ ચીને એશિયન ગેમ્સમાં ભાગ લેવા માટે ભારતના ત્રણ વુશુ માર્શલ આર્ટ એથ્લેટને વિઝા આપ્યા નથી. આ કારણોસર અનુરાગ ઠાકુરે ઓપનિંગ સેરેમનીમાં ન આવવાનો નિર્ણય કર્યો હતો.
ભારતમાં એશિયન ગેમ્સ 2023 ની ઓપનિંગ સેરેમની ક્યાં લાઈવ જોવી?
એશિયન ગેમ્સ 2023 ની ઉદ્ઘાટન સમારંભ SonyLiv એપ્લિકેશન અને વેબસાઇટ પર લાઇવ સ્ટ્રીમ કરવામાં આવશે. ચાહકો ભારતમાં ઇવેન્ટનું લાઈવ પ્રસારણ Sony Sports Ten 2 SD & HD, Sony Sports Ten 3 SD & HD (હિન્દી) ટીવી ચેનલો પર પણ જોઈ શકે છે.
એશિયન ગેમ્સ 2023નો ઉદ્ઘાટન સમારોહ કયા સમયે શરૂ થશે?
એશિયન ગેમ્સ 2023ની ઓપનિંગ સેરેમની ભારતીય સમય અનુસાર સાંજે 5:30 વાગ્યે શરૂ થશે.
