શરીરમાં પુરતા પ્રમાણમાં બ્લડ માટે આટલી વસ્તુઓને ખોરાકમાં કરો સામેલ
- શરીરમાં લોહીની ઉણપને દૂર કરવા બીટનું સેવન કરવું
- દાડમ પણ બ્લડ બનાવવા માટેનો ખાસ સ્ત્રોત છે
આજની આ ફાસ્ટ લાઈફમાં આપણે આપણા આરોગ્ય પર પુરતું ધ્યાન આપવું જોઈએ, તમારા આહારમાં ખાસ કરીને હિમોગ્લોબિનના સ્તરને વધારતા ખોરાકને સામેલ કરવો જોઈએ, શરીરમાં હાજર લોહીમાં હિમોગ્લોબિનનું નીચું સ્તર આયર્નની ઉણપ એટલે કે એનિમિયા કહેવાય છે.
આપણા બોડીમાં હિમોગ્લોબિનનો અભાવ થતા જ આપણા શરીરમાં થાક, નિસ્તેજ ત્વચા, શ્વાસની તકલીફ, ઝડપી અથવા અનિયમિત ધબકારા, ઊર્જાનો અભાવ, વાળ ખરવા, હાઈ બ્લડ પ્રેશરજેવા અનેક લક્ષણો જોવા મળે છે, તો ચાલો જાણીએ કઈ વસ્તુઓના સેવન કરવાથઈ લોહીની ઉણપને દૂર કરી શકાશે.
બીટઃ- બીટરૂટનું સેવન કરવાથી શરીરમાં હિમોગ્લોબિનનું સ્તર વધવામાં પણ મદદ મળી રહે છે. તેમાં કેલ્શિયમ, આયર્ન, વિટામિન એ અને વિટામિન સી ભરપુર માત્રામાં સમાયેલું હોય છે. આ સિવાય તે ફોલિક એસિડ, ફાઈબર, મેંગેનીઝ અને પોટેશિયમનો સારો સ્રોત પણ છે. તમે સલાડના સ્વરૂપમાં બીટરૂટ પણ ખાઈ શકો છો અથવા તેનો રસ પણ પી શકો છો.
દાડમઃ- દાડમ શરીરમાં લોહીની કમી દૂર કરવા માટે શ્રેષ્ઠ સ્રોત માનવામાં આવે છે. તેમાં આયર્ન, મેગ્નેશિયમ, કેલ્શિયમ અને વિટામિન વિપુલ પ્રમાણમાં જોવા મળે છે, જે શરીરમાં હિમોગ્લોબિન વધારવામાં મદદ કરે છે. તેનો દરરોજ થતો ઉપયોગ શરીરમાં લાલ રક્તકણોની રચનામાં મદદ કરે છે.
ખજૂરઃ- જે હિમોગ્લોબિનની ઉણપને દૂર કરવામાં પણ મદદ કરી શકે છે. જેમાં તાંબુ, મેગ્નેશિયમ, મેંગેનીઝ, વિટામિન બી 6, આચિન, પેન્ટોથેનિક એસિડ અને રાઇબોફ્લેવિન જેવા પોષક તત્વો સમૃદ્ધ છે. આ જ કારણ છે કે તેને આર્યનનો સમૃદ્ધ સ્ત્રોત માનવામાં આવે છે. લોહીનો અભાવ દૂર કરવા માટે, તમારે ખાલી પેટ પર દરરોજ સવારે ગરમ દૂધ સાથે ખજૂરનું સેવન કરવું જોઈએ. તેનાથી ઘણો ફાયદો થશે.
મેથી- લોહીનો અભાવ દૂર કરવા માટે મેથીનું સેવન પણ ખૂબ ફાયદાકારક માનવામાં આવે છે. તેમાં આયર્નની માત્રા વધુ હોય છે, જે લાલ રક્તકણો વધારવામાં મદદ કરે છે. મેથીના પાન અને બીજ બંને ફાયદાકારક છે.
પાલક- પાલકનું સેવન કરવાથી શરીરમાં હિમોગ્લોબિનનું પ્રમાણ વધવામાં પણ ઘણી મદદ મળી શકે છે. સ્પિનચમાં આયર્ન વિપુલ પ્રમાણમાં જોવા મળે છે. જે શરીરમાં હિમોગ્લોબિનનું સ્તર વધારવામાં મદદ કરે છે.
