હકીકતમાં પિરાન્હા જેવી માછલી હોય છે – જે માણસો પર કરે છે હુમલો
- પિરાન્હા માછલીનો માણસો પર હુમલો
- ચાર લોકોના થયા મોત
- 20 લોકો ગંભીર રીતે ઈજાગ્રસ્ત
દિલ્હી:અમેરિકામાં એક એવી ઘટના બની છે કે જેને જોઈને તમામ લોકોના મનમાં ડર આવી જશે જે લોકો પાણીમાં નહાવા તથા મોજ કરવા જતા હોય છે. જાણકારી અનુસાર કેટલીક માછલીઓ મનુષ્યને નુકસાન પહોંચાડી શકે છે, જ્યારે ઘણી માછલીઓ એવી છે જે માણસને મારી પણ શકે છે.
દક્ષિણ અમેરિકાના દેશ પેરાગ્વેમાં આવો એક કિસ્સો સામે આવ્યો છે જેમાં પિરાન્હા માછલીના હુમલામાં ચાર લોકોના મોત થયા છે. તે જ સમયે 20 લોકો ઘાયલ થયા છે. માછલીઓએ આ રીતે હુમલો કર્યા બાદ બીચ પર હાજર લોકો ગભરાઈ ગયા હતા.
મીડિયા રિપોર્ટ અનુસાર એક 22 વર્ષનો યુવક ગુમ થઈ ગયો હતો. તેના પરિવારના સભ્યો ‘બીચ’ને શોધી રહ્યા હતા, પરંતુ તે મળ્યો ન હતો. આ પછી તેના પરિવારજનોએ આ અંગે પોલીસને જાણ કરી હતી. થોડા સમય બાદ આ યુવકનો મૃતદેહ બીચ નજીકથી અત્યંત ખરાબ હાલતમાં મળી આવ્યો હતો. તેમના પર આ હુમલો ત્યારે થયો જ્યારે તે પેરાગ્વે નદીમાં નહાવા ગયો હતો. ફોરેન્સિક તપાસમાં એ વાતની પણ પુષ્ટિ થઈ છે કે આ યુવક પર પિરાન્હા માછલીએ હુમલો કર્યો હતો.
પિરાન્હા માછલી આટલી આક્રમક બની જાય છે. પરંતુ આ વિસ્તારમાં આવી અનેક ઘટનાઓ સામે આવી છે. અગાઉ, 49 વર્ષીય એક વ્યક્તિ પણ પેરાગ્વે નદીમાં આવી જ હાલતમાં મૃત હાલતમાં મળી આવ્યો હતો. તેના શરીર પર કરડવાના નિશાન હતા. ટેબીક્યુરી નદી પાસે આ જ રીતે વધુ બે લોકોના મૃતદેહ મળી આવ્યા હતા.
