ડેન્ગ્યુ અને સ્વાઈન ફ્લૂ વચ્ચે ઝીકા વાયરસનું વધી રહ્યું છે જોખમ,આ લક્ષણોથી કરો ત્રણેય રોગોની ઓળખો
- દેશમાં ડેન્ગ્યુ,સ્વાઈન ફ્લૂ,ઝીકા વાયરસનું જોખમ
- ત્રણેય રોગોના દરરોજ વધી રહ્યા છે કેસ
- આ લક્ષણોથી કરો ત્રણેય રોગોની ઓળખો
ડેન્ગ્યુ અને સ્વાઈન ફ્લૂ વચ્ચે દેશમાં ઝીકા વાયરસનું જોખમ પણ વધી રહ્યું છે. કેરળ, ઉત્તર પ્રદેશ ઉપરાંત અન્ય ઘણી જગ્યાએ ઝીકાના ઘણા કેસ નોંધાયા છે. આ ત્રણેય રોગોનો પગપેસારો એકસાથે થવાથી ખતરનાક સાબિત થઈ શકે છે. તેથી જ સ્વાઈન ફ્લૂ, ઝિકા વાયરસ અને ડેન્ગ્યુના લક્ષણો વિશે દરેક વ્યક્તિએ જાગૃત રહેવું જોઈએ. ડોકટરોના મતે, આ ત્રણેય રોગોના લક્ષણોમાં થોડો જ તફાવત છે.
હાલમાં દેશમાં સૌથી વધુ ડેન્ગ્યુના કેસ સામે આવી રહ્યા છે. ઘણા દર્દીઓને ગંભીર હાલતમાં હોસ્પિટલમાં દાખલ કરવા પડે છે. તેથી ડેન્ગ્યુથી બચવું જરૂરી છે. તબીબોના મતે આ રોગ મચ્છર કરડવાથી થાય છે. જે દિવસ દરમિયાન કરડે છે. આ મચ્છર સ્વચ્છ પાણીમાં પેદા થાય છે. એટલા માટે એ મહત્વનું છે કે લોકો તેમની આસપાસ પાણી એકઠા ન થવા દે. હંમેશા ફુલ સ્લીવના કપડાં પહેરો. જો તમને બે દિવસથી વધુ તાવ હોય, તો તરત જ ડૉક્ટરની સલાહ લો. આ સાથે નબળાઈ લાગવી, માથાનો દુખાવો થવો, આંખો પાછળ દુખાવો થવો, થાક લાગવો, ઉલ્ટી થવી અને ઝાડા પણ ડેન્ગ્યુના લક્ષણો છે.
સ્વાઈન ફ્લૂ
સ્વાઈન ફ્લૂ એક સંક્રામક રોગ છે. તે H-1N-1 વાયરસથી થાય છે. દેશની રાજધાની દિલ્હી અને પશ્ચિમ બંગાળમાં સ્વાઈન ફ્લૂના કેસ વધી રહ્યા છે. જો કે આ રોગના કેસ ડેન્ગ્યુ કરતા ઘણા ઓછા છે, પરંતુ આ અંગે પણ સાવધાની રાખવાની જરૂર છે. તબીબોના જણાવ્યા અનુસાર જ્યારે સ્વાઈન ફ્લૂના લક્ષણો આવે છે ત્યારે દર્દીને વારંવાર ખાંસી અને છીંક આવે છે. વધુ તાવ સાથે ગળામાં દુખાવો થાય છે. ક્યારેક ઠંડી સાથે તાવ આવે છે અને શરીરમાં થાક રહે છે.
ઝીકા વાયરસ
ઝીકા વાયરસ એડીસ એજીપ્ટી અને એડીસ અલ્બોપિક્ટસ મચ્છરના કરડવાથી લોકોમાં ફેલાય છે. ઘણા લોકોમાં આ બીમારીના લક્ષણો જોવા મળતા નથી અથવા માત્ર હળવા લક્ષણો જ દેખાય છે.તેથી, આ રોગથી સાવચેત રહેવાની જરૂર છે. ઝીકા વાયરસના લક્ષણોની વાત કરીએ તો ખૂબ જ તાવ આવો, આંખોમાં અસ્વસ્થતાની લાગણી, શરીરના સાંધામાં દુખાવો અને નબળાઇ છે.
ઝીકા વાયરસ સામે રક્ષણ મેળવવાની રીતો
મચ્છરદાનીનો ઉપયોગ કરો
ઘરમાં પાણી જમા ન થવા દો
ઘરની આસપાસ સ્વચ્છતા રાખો
જો તમને તાવ આવે તો ડૉક્ટરની સલાહ લો
