નવી દિલ્હીઃ ભારતીય પુરુષ હોકી ટીમે એશિયા કપ હોકી સ્પર્ધાના સુપર ફોર તબક્કામાં શાનદાર રીતે પ્રવેશ કર્યો છે. ગઈકાલે, બિહારના રાજગીરમાં રમાયેલી પૂલ-એની રોમાંચક મેચમાં ભારતે જાપાનને 3-2થી હરાવીને આગલા રાઉન્ડમાં પોતાનું સ્થાન પાકું કર્યું.
આ જીતમાં ભારતીય ટીમના ગોલકીપર કૃષ્ણ બહાદુર પાઠકનું પ્રદર્શન પ્રશંસનીય રહ્યું. તેણે જાપાનના અનેક જોખમી હુમલાઓને નિષ્ફળ બનાવીને ટીમને વિજય અપાવવામાં મહત્ત્વની ભૂમિકા ભજવી. આ મેચમાં ભારતના અભિષેકને પ્લેયર ઓફ ધ મેચ જાહેર કરવામાં આવ્યો.
ભારતીય ટીમ હવે આજે પોતાની અંતિમ પૂલ મેચમાં કઝાકિસ્તાન સામે ટકરાશે. આ મેચ સાંજે 7:30 વાગ્યે શરૂ થશે. આ જીત ભારતીય ટીમનો આત્મવિશ્વાસ વધારશે અને સુપર ફોર તબક્કામાં મજબૂત પ્રદર્શન કરવા માટે પ્રોત્સાહિત કરશે.