અમેરિકાએ શુક્રવારે ભારતને તેના 79મા સ્વતંત્રતા દિવસ નિમિત્તે શુભેચ્છા સંદેશ મોકલ્યો, જેમાં નવી દિલ્હી અને વોશિંગ્ટન વચ્ચેના સંબંધોને ખૂબ જ મહત્વપૂર્ણ ગણાવ્યા. અમેરિકાના વિદેશ સચિવ માર્કો રુબિયોએ તેમના અભિનંદન સંદેશમાં લખ્યું, ‘યુનાઇટેડ સ્ટેટ્સ વતી, હું 15 ઓગસ્ટના રોજ ભારતના સ્વતંત્રતા દિવસ નિમિત્તે ભારતના લોકોને અભિનંદન અને હાર્દિક શુભેચ્છાઓ પાઠવું છું.’ વિશ્વના સૌથી મોટા લોકતંત્ર અને વિશ્વના સૌથી જૂના લોકતંત્ર વચ્ચેના ઐતિહાસિક સંબંધો અત્યંત મહત્વપૂર્ણ અને દૂરગામી છે. આપણા બંને દેશો વધુ શાંતિપૂર્ણ, સમૃદ્ધ અને સુરક્ષિત ઇન્ડો-પેસિફિક ક્ષેત્ર માટે તેમના સહિયારા દ્રષ્ટિકોણથી એકજૂટ છે. આ દરમિયાન, યુએસ સેક્રેટરી ઓફ સ્ટેટે ભારત અને અમેરિકા વચ્ચેની ઔદ્યોગિક ભાગીદારીનો ઉલ્લેખ કર્યો અને કહ્યું કે તે ઈનોવેશનને પ્રોત્સાહન આપે છે.
તેમણે લખ્યું, અમેરિકા અને ભારત આજના આધુનિક પડકારોનો સાથે મળીને સામનો કરશે અને બંને દેશો માટે ઉજ્જવળ ભવિષ્ય સુનિશ્ચિત કરશે. આ શુભેચ્છા સંદેશ એવા સમયે આવ્યો છે જ્યારે યુએસ રાષ્ટ્રપતિ ડોનાલ્ડ ટ્રમ્પના ટેરિફને કારણે ભારત-અમેરિકાના સંબંધોમાં તણાવ આવ્યો છે.
