નવી દિલ્હી: ઇઝરાયલે ગાઝામાં હમાસના એક ટોચના કમાન્ડરની હત્યા કરી છે. ઇઝરાયલે દાવો કર્યો છે કે દક્ષિણ ગાઝામાં એક શક્તિશાળી વિસ્ફોટમાં હમાસના ટોચના કમાન્ડર રૈદ સઈદનું મોત થયું છે. જોકે, હમાસે હજુ સુધી આ વાતની પુષ્ટિ કરી નથી.
હમાસના જણાવ્યા અનુસાર, ગાઝા શહેરના નબુલસી જંકશન નજીક એક ઇઝરાયલી ડ્રોને એક નાગરિક વાહનને નિશાન બનાવ્યું હતું. આ હુમલામાં પાંચ લોકો માર્યા ગયા હતા અને 25 ઘાયલ થયા હતા. હમાસે ઇઝરાયલ પર યુદ્ધવિરામનું ઉલ્લંઘન કરવાનો આરોપ લગાવ્યો હતો.
IDFએ જાણકારી આપી
ઇઝરાયલી ડિફેન્સ ફોર્સ (IDF) ના જણાવ્યા અનુસાર, તેમને ગાઝા શહેરમાં સઈદની હાજરી વિશે ગુપ્ત માહિતી મળી હતી. ઇઝરાયલે આ તક ઝડપી લીધી અને રાયદ સઈદને સ્થળ પર જ મારી નાખ્યો. ઇઝરાયલી દળો પરના હુમલા બાદ IDF એ હમાસ વિરુદ્ધ આ કાર્યવાહી કરી હતી. ઇઝરાયલી વડા પ્રધાન બેન્જામિન નેતન્યાહૂએ સઈદની હત્યાનો આદેશ આપ્યો હતો.