મુંબઈના કુર્લામાં ભારે વરસાદને કારણે ભૂસ્ખલન, 6ના મોત અને 4 ઘાયલ
મુંબઈ, 12 ઓગસ્ટ 2026: Landslides due to heavy rain in Mumbai મહારાષ્ટ્રની રાજધાની મુંબઈમાં ભારે વરસાદને કારણે એક મોટી ઘટના બની છે. ગઈકાલે રાત્રે ઘાટકોપર-કુર્લા વિસ્તારમાં ભૂસ્ખલન થતાં અફરાતફરી મચી ગઈ હતી.
આ ઘટનામાં અત્યાર સુધીમાં છ લોકોના મૃતદેહ મળી આવ્યા છે, જ્યારે અન્ય ઘણા લોકો કાટમાળ નીચે ફસાયેલા હોવાની આશંકા છે. વહીવટીતંત્ર અને બચાવ ટીમો ઘટનાસ્થળે હાજર છે અને યુદ્ધના ધોરણે રાહત કામગીરી ચાલી રહી છે.
અકસ્માત ક્યારે અને ક્યાં થયો?
આ ઘટના સવારે અંદાજે 03:00 થી 03:48 વાગ્યાની વચ્ચે બની હતી. કુર્લામાં રાઠોડ મેડિકલ નજીક આવેલા ચિરાગ નગરના ગૌશિયા ચાલ અને ઘાટકોપર પોલીસ સ્ટેશનના અધિકારક્ષેત્રમાં આવતા અશોકનગર વિસ્તારમાં ભૂસ્ખલન થયું હતું. રાત્રિના અંધકાર અને વરસાદને કારણે રહેવાસીઓને પ્રતિક્રિયા આપવાનો સમય મળ્યો ન હતો અને અનેક મકાનો કાટમાળ નીચે દબાઈ ગયા હતા.
ઘટનાની પુષ્ટિ કરતા ડીસીપી ગણેશ શિંદેએ જણાવ્યું હતું કે, સતત વરસાદને કારણે ઘાટકોપર પોલીસના અધિકારક્ષેત્રમાં આવતા અશોકનગર વિસ્તારમાં ભૂસ્ખલન થયું હતું.
આ ઘટના સવારે લગભગ ૩ વાગ્યે બની હતી. અત્યાર સુધીમાં બે મૃતદેહો મળી આવ્યા છે અને બચાવ કામગીરી પૂરજોશમાં ચાલી રહી છે. પરિસ્થિતિને કાબૂમાં લેવા અને લોકોને બચાવવા માટે BMC, NDRF અને અન્ય એજન્સીઓના અધિકારીઓ તેમજ પોલીસ જવાનોને તૈનાત કરવામાં આવ્યા છે. શરૂઆતમાં એવી માહિતી મળી હતી કે 4-5 લોકો ફસાયેલા છે.
બચાવ કામગીરી ચાલુ
BMC દ્વારા આપવામાં આવેલી તાજેતરની માહિતી મુજબ, કાટમાળ નીચે 6 થી 8 લોકો ફસાયા હોવાની આશંકા છે. મુંબઈ ફાયર બ્રિગેડ, પોલીસ, 108 એમ્બ્યુલન્સ સેવા, NDRF અને વોર્ડના કર્મચારીઓની ટીમો ઘટનાસ્થળે હાજર છે અને સંયુક્ત રીતે બચાવ કામગીરી હાથ ધરી રહી છે.
અહેવાલ મુજબ, આ ઘટનામાં બે વ્યક્તિઓ ઘાયલ થઈ છે; તેમની ઓળખ 18 વર્ષીય સોહેલ અન્સારી અને 14 વર્ષીય મોહમ્મદ અન્સારી તરીકે કરવામાં આવી છે. દરમિયાન, મળી આવેલા બે મૃતદેહોને પોસ્ટમોર્ટમ અને અન્ય જરૂરી કાર્યવાહી માટે નજીકની હોસ્પિટલમાં મોકલવામાં આવ્યા છે. વહીવટીતંત્ર કાટમાળ હટાવવા અને ત્યાં ફસાયેલા કોઈપણ વ્યક્તિને સુરક્ષિત રીતે બહાર કાઢવા માટે તમામ પ્રયાસો કરી રહ્યું છે.
વધુ વાંચો: કર્નાલમાં ટ્રેક્ટર-ટ્રોલી ખેતરમાં પલટી મારી ગઈ, 3નાં મોત અને 2 ઘાયલ
