હવે અસ્થાયી નોકરીઓમાં પણ મળશે અનામતનો લાભ, તમામ મંત્રાલયોને કેન્દ્રએ નિયમનો કડક અમલ કરવાની આપી સૂચના
દિલ્હીઃ અસ્થાયી નોકરીઓમાં પણ અનામતના લાભને લઈને ક્ન્દ્રએ દરેક મંત્રાલયોને નિયમોનું અમનલ કરવાની કડકપણે સૂચના આપી છે જાણકારી અનુસાર અનુસૂચિત જાતિ, અનુસૂચિત જનજાતિ અને અન્ય પછાત વર્ગોને પણ કેન્દ્ર સરકારમાં 45 અને તેથી વધુ દિવસની કામચલાઉ નોકરીઓમાં અનામતનો લાભ મળવા પાત્ર બન્યો છે
આ અંગે સરકારે સુપ્રીમ કોર્ટને માહિતીઆપી છે. કેન્દ્રએ એમ પણ કહ્યું છે કે તેણે તેના તમામ મંત્રાલયો અને વિભાગોને તેનો કડક અમલ કરવા સૂચના આપી છે.અસ્થાયી નોકરીઓમાં એસસી, એસટી અને ઓબીસી માટે અનામતની માંગણી કરતી અરજી પર, કેન્દ્રએ આ સંબંધમાં ગયા વર્ષે 21 નવેમ્બરના રોજ કર્મચારી અને તાલીમ વિભાગ, કર્મચારી મંત્રાલય, જાહેર ફરિયાદો અને પેન્શન, સરકાર દ્વારા જારી કરાયેલ ઓફિસ મેમોરેન્ડમનો ઉલ્લેખ કર્યો છે.
આ સાથે જ ભારતના 1968 અને 2018 માં જારી કરાયેલા અગાઉના ઓફિસ મેમોરેન્ડમનો સંદર્ભ આપતા, વર્તમાન ઓફિસ મેમોરેન્ડમ જણાવે છે કે, કેન્દ્ર સરકારની પોસ્ટ્સ અને સેવાઓ પરની નિમણૂકોના સંદર્ભમાં, 45 દિવસ કે તેથી વધુ સમય સુધી ચાલતી અસ્થાયી નિમણૂકોમાં SC/ST/ માટે અનામત હશે.
આ સાથએ જ ઓબીસી ઉમેદવારો, પીડિત પક્ષ કાયદાનો આશરો લેવા માટે સ્વતંત્ર છે. આ ઓફિસ મેમોરેન્ડમને ધ્યાનમાં લેતા, જસ્ટિસ સંજીવ ખન્ના અને જસ્ટિસ એસવીએન ભાટીની બેન્ચે અરજીનો નિકાલ કર્યો હતો. તેમણે એ પણ સ્પષ્ટ કર્યું છે કે જો આ ઓફિસ મેમોરેન્ડમનું ઉલ્લંઘન થશે, તો અરજદાર અથવા પીડિત પક્ષ કાયદા મુજબ યોગ્ય આશ્રય લેવા માટે સ્વતંત્ર હશે.
આ ઉપરાંત, બેન્ચે કેન્દ્ર સરકાર તરફથી હાજર રહેલા વકીલનું નિવેદન પણ નોંધ્યું હતું કે 21 નવેમ્બર, 2022 ના રોજના ઑફિસ મેમોરેન્ડમનું પાલન કરવામાં નિષ્ફળતાના કેસોનો સામનો કરવા માટે એક પદ્ધતિ છે. સંસદીય સમિતિના અહેવાલનો સંદર્ભ ઓફિસ મેમોરેન્ડમ વધુમાં SCs અને STsના કલ્યાણ પરની સંસદીય સમિતિના અહેવાલને ટાંકે છે, જેમાં જાણવા મળ્યું છે કે કામચલાઉ નોકરીઓમાં અનામત માટેની સૂચનાઓનું તમામ વિભાગો દ્વારા પત્ર અને ભાવનાથી પાલન કરવામાં આવતું નથી.
વઘુમાં આ સંદર્ભમાં, મંત્રાલયે કહ્યું છે કે, તમામ મંત્રાલયો અને વિભાગોને 45 દિવસ કે તેથી વધુ સમયની અસ્થાયી નોકરીઓમાં યોગ્ય જૂથો માટે અનામતને સંપૂર્ણપણે સુનિશ્ચિત કરવા સૂચના આપવામાં આવી છે.
