આર્થિક મુશ્કેલીમાંથી પસાર થઈ રહેલા પાકિસ્તાનના વડાપ્રધાન શહબાઝ શરીફનો ભત્રીજો હસન નવાઝ બ્રિટનમાં નાદાર જાહેર થયો છે. હસન નવાઝ પાકિસ્તાનના પૂર્વ વડાપ્રધાન નવાઝ શરીફનો દીકરો છે. લંડન વહીવટી તંત્રએ હસન નવાઝની મિલકતની હરાજી કરવાનો નિર્ણય કર્યો હોવાનું જાણવા મળે છે. પાકિસ્તાનના પૂર્વ પીએમ નવાઝ શરીફના પુત્ર હસન નવાઝ નાદાર જાહેર, લંડન વહીવટીતંત્રે મિલકતની હરાજી કરવાનો નિર્ણય લીધો
બ્રિટિશ સરકારે પાકિસ્તાનના વર્તમાન વડા પ્રધાન શાહબાઝ શરીફના ભત્રીજા હસન નવાઝ સામે કાર્યવાહી કરવાનો નિર્ણય લીધો છે. લંડન પ્રશાસને પાકિસ્તાનના ભૂતપૂર્વ વડા પ્રધાન નવાઝ શરીફના પુત્ર હસન નવાઝને વર્ષ 2025 માટે ટેક્સ્ટ ડિફોલ્ટર જાહેર કર્યા છે. તેમની સામે નાદારીની કાર્યવાહી આવતા મહિનાથી શરૂ થઈ શકે છે. ગેઝેટ ઓફ લંડન એડમિનિસ્ટ્રેશન અનુસાર, હસન નવાઝ પર આશરે 10 મિલિયન પાઉન્ડ (1,12,13,64,000.00 ભારતીય રૂપિયા)નો આવકવેરો બાકી છે. એવો આરોપ છે કે નવાઝ શરીફના પુત્ર હસન શરીફ જાણી જોઈને તે ચૂકવી રહ્યા નથી. તેમની બહેન મરિયમ નવાઝ પણ પાકિસ્તાનમાં મુખ્યમંત્રી છે.
લંડન પ્રશાસન દ્વારા સત્તાવાર રીતે બહાર પાડવામાં આવેલી યાદીમાં પાકિસ્તાનના ભૂતપૂર્વ વડા પ્રધાનના પુત્ર અને વર્તમાન વડા પ્રધાન શાહબાઝ શરીફના ભત્રીજા હસન નવાઝ શરીફનું નામ શામેલ છે. એવું કહેવાય છે કે તેમના પર લગભગ 10 મિલિયન પાઉન્ડનો કર બાકી છે. આ સત્તાવાર માહિતીમાં જણાવવામાં આવ્યું છે કે આ કર વર્ષ 2015-16 થી પેન્ડિંગ છે અને હવે તેના પર લાદવામાં આવેલા દંડની રકમ લગભગ 10 મિલિયન પાઉન્ડ થઈ ગઈ છે.