PM મોદીએ વીર સાવરકર ઈન્ટરનેશનલ એરપોર્ટના નવા ટર્મિનલનું ઉદ્ઘાટન કર્યું -પોતાના સંબોધનમાં વિપક્ષની બેઠક પર સાધ્યું નિશાન
દિલ્હીઃ- આજે બેંગલુરુમાં વિપક્ષો એકજૂટ થઈને બેઠક યોજી રહ્યા છે ત્યારે પીએમ મોદીએ આ બેઠક પર વાર કર્યો હતો અને કહ્યું હતું કે આ વિપક્ષી એકતા પર આકરા પ્રહારો કર્યા હતા અને આ બેઠકને ‘હાર્ડકોર ભ્રષ્ટાચાર સંમેલન’ ગણાવી હતી.
પીએમ મોદી એ વિપક્ષની બેઠકો પર સીધો પ્રહાર કરતા પીએમ મોદીએ કહ્યું કે જે લોકો જાતિવાદનું ઝેર ફેલાવે છે અને ભ્રષ્ટાચાર કરે છે તેઓ બેંગલુરુમાં દુકાનો ખોલીને બેસી ગયા છે.પશ્ચિમ બંગાળના મુખ્ય પ્રધાન મમતા બેનર્જી, સમાજવાદી પાર્ટીના વડા અખિલેશ યાદવ, પીડીપી વડા મહેબૂબા મુફ્તી, આરજેડી વડા લાલુ પ્રસાદ યાદવ, તેજસ્વી યાદવ, એનસીપી વડા શરદ યાદવ સંયુક્ત વિપક્ષની બેઠક માટે આવી પહોચ્યા છે.
વડાપ્રધાને પોતાના સંબોધનમાં પૂર કૌભાંડ, દારૂ કૌભાંડ વિશે વાત કરી અને વિપક્ષ પર પ્રહારો કર્યા. તેમણે કહ્યું કે બંગાળમાં ચૂંટણીમાં કોંગ્રેસ, ડાબેરી કાર્યકરોની હત્યા થઈ રહી છે અને અહીં બધાએ ટીએમસી સાથે હાથ મિલાવ્યા છે. જ્યારે કોઈ એજન્સી પગલાં લે છે, ત્યારે બધા એક થઈને ફસાવવાની વાત કરે છે. તમિલનાડુ હોય કે કર્ણાટક, દરેક જગ્યાએ ભ્રષ્ટાચારીઓ એક થઈ રહ્યા છે.
