પીએમ મોદીને ફ્રાંસનું સર્વોચ્ચ નાગરિક સન્માન મળ્યું,’લિજન ઓફ ઓનર’ મેળવનાર પ્રથમ ભારતીય વડાપ્રધાન બન્યા
દિલ્હી : વડાપ્રધાન નરેન્દ્ર મોદીને ફ્રાન્સ દ્વારા લીજન ઓફ ઓનરથી નવાજવામાં આવ્યા છે. તે ફ્રેન્ચનું સર્વોચ્ચ સન્માન છે. પીએમ મોદી આ સન્માન મેળવનાર પ્રથમ ભારતીય વડાપ્રધાન છે. વિશ્વભરમાંથી પસંદગીના અગ્રણી નેતાઓ અને પ્રતિષ્ઠિત હસ્તીઓને લીજન ઓફ ઓનર એનાયત કરવામાં આવ્યું છે. આમાં દક્ષિણ આફ્રિકાના ભૂતપૂર્વ પ્રમુખ નેલ્સન મંડેલા,વેલ્સના તત્કાલીન પ્રિન્સ ઑફ કિંગ ચાર્લ્સ, ભૂતપૂર્વ જર્મન ચાન્સેલર એન્જેલા મર્કેલ, સંયુક્ત રાષ્ટ્રના ભૂતપૂર્વ મહાસચિવ બૌટ્રોસ બુટ્રોસ-બુટ્રોસ વગેરેનો સમાવેશ થાય છે.
પીએમ મોદીને ફ્રાન્સ દ્વારા આપવામાં આવેલ આ સન્માન વિવિધ દેશો દ્વારા આપવામાં આવેલા ટોચના આંતરરાષ્ટ્રીય પુરસ્કારો અને સન્માનોની યાદીમાં સામેલ થઈ ગયું છે. અગાઉ પીએમ મોદીને જૂન 2023માં ઇજિપ્ત દ્વારા ઓર્ડર ઓફ ધ નાઇલ, મે 2023માં પાપુઆ ન્યૂ ગિની દ્વારા કમ્પેનિયન ઓફ ધ ઓર્ડર ઓફ લોગોહુ, મે 2023માં કમ્પેનિયન ઓફ ધ ઓર્ડર ઓફ ફિજી, મે 2023 માં પલાઉ રિપબ્લિક દ્વારા અબાકલ એવોર્ડથી નવાજવામાં આવ્યા હતા.
પીએમ મોદીએ ભારતના લોકો વતી રાષ્ટ્રપતિ મેક્રોનનો આભાર માન્યો. પીએમ મોદી ગુરુવારે બે દિવસની મુલાકાતે ફ્રાન્સ પહોંચ્યા હતા. પીએમ મોદી આજે બેસ્ટિલ ડે પરેડમાં મુખ્ય અતિથિ તરીકે હાજરી આપશે.
વિદેશ મંત્રાલયના પ્રવક્તા અરિંદમ બાગચીએ ટ્વિટ કર્યું કે રાષ્ટ્રપતિ મેક્રોને પીએમ નરેન્દ્ર મોદીને ફ્રાન્સના સર્વોચ્ચ એવોર્ડ ગ્રાન્ડ ક્રોસ ઓફ ધ લીજન ઓફ ઓનરથી નવાજ્યા. આ ઉષ્માભર્યું પગલું ભારત-ફ્રાન્સ ભાગીદારીની ભાવના દર્શાવે છે.
A warm gesture embodying the spirit of 🇮🇳-🇫🇷 partnership.
PM @narendramodi conferred with the Grand Cross of the Legion of Honour, the highest award in France by President @EmmanuelMacron. pic.twitter.com/OyiHCHMDX2
— Arindam Bagchi (@MEAIndia) July 13, 2023
આ પહેલા પીએમ મોદીના સન્માનમાં એલિસી પેલેસમાં ખાનગી ડિનરનું આયોજન કરવામાં આવ્યું હતું. આ દરમિયાન ફ્રાન્સના રાષ્ટ્રપતિ ઈમેન્યુઅલ મેક્રોને વડાપ્રધાન નરેન્દ્ર મોદીને તેમના સત્તાવાર નિવાસસ્થાન એલિસી પેલેસમાં હોસ્ટ કર્યા હતા. પીએમ મોદી ગુરુવારે બે દિવસની સત્તાવાર મુલાકાતે પેરિસ પહોંચ્યા હતા. એરપોર્ટ પર ફ્રાન્સના પીએમ એલિઝાબેથ બોર્ન દ્વારા પીએમ મોદીનું સ્વાગત કરવામાં આવ્યું હતું.
