પંજાબ : ભારત-પાકિસ્તાન સરહદ નજીક ખેડૂતોની જમીન પર પડેલું એક પાકિસ્તાની ડ્રોન (ક્વોડ કોપ્ટર) જપ્ત કરવામાં આવ્યું છે. પોલીસ અને B.S.F. આના પર કામગીરી ચલાવી રહ્યા છીએ.
ભારત-પાક બોર્ડર પાસે સ્થિત બી.ઓ.પી. વન તારા સિંહ વિસ્તારના જંડોકે ગામના ખેડૂત ગુરમુખ સિંહ નિવાસી રાજોકેની જમીન પર ડ્રોન પડવાની માહિતી મળતાં પોલીસ સ્ટેશન ખાલડા અને બી.એસ.એફ. 103 બટાલિયન દ્વારા સંયુક્ત રીતે સર્ચ ઓપરેશન હાથ ધરવામાં આવ્યું હતું. ડીએસપી ભીખીવિંદ પ્રીતીન્દ્ર સિંહે કહ્યું કે ડ્રોનને રિકવર કર્યા બાદ તપાસ શરૂ કરવામાં આવી છે.
આ પહેલા બોર્ડર સિક્યોરિટી ફોર્સ (BSF) એ અમૃતસર સેક્ટરના રાય ગામમાં પાકિસ્તાની તસ્કરો દ્વારા મોકલવામાં આવેલ 5 કિલો હેરોઈન જપ્ત કર્યું છે. હેરોઈનની આ ખેપ મોડી રાત્રે ખેતરોમાં પડેલી જોવા મળી હતી.
કહેવામાં આવી રહ્યું છે કે આ વખતે હેરોઈન ડ્રોન દ્વારા મોકલવામાં આવી હતી. ડ્રોનનો અવાજ સાંભળીને બીએસએફ જવાનોએ તે તરફ ગોળીબાર કર્યો હતો. ડ્રોન તો નીકળી ગયું પણ હેરોઈનની ખેપ અહીં પડી ગઈ હતી. પીળા રંગના પેકેટમાં પેક કરેલું હેરોઈન બીએસએફ દ્વારા જપ્ત કરવામાં આવ્યું છે.
ગામમાં સર્ચ ઓપરેશન ચાલી રહ્યું છે. અમૃતસર સેક્ટરમાં છેલ્લા એક મહિનામાં હેરોઈનની દાણચોરીની 15થી વધુ ઘટનાઓ બની છે. જો કે, BSFએ માત્ર ડ્રોનને તોડી પાડ્યું એટલું જ નહીં હેરોઈન પણ કબજે કર્યું. આ સાથે એક સ્થાનિક દાણચોર પણ બીએસએફના હાથે ઝડપાયો હતો જેને પોલીસને હવાલે કરવામાં આવ્યો છે.
