કિવ, 02 જુલાઈ 2026: રશિયા અને યુક્રેન વચ્ચે ચાર વર્ષથી વધુ સમયથી ચાલી રહેલો ભીષણ સંઘર્ષ દિવસે-દિવસે વધુ ગંભીર બની રહ્યો છે. યુક્રેન દ્વારા કરવામાં આવેલા તીવ્ર ડ્રોન હુમલા બાદ, રશિયાએ ગુરુવારે વહેલી સવારે મિસાઇલો અને ડ્રોનનો ઉપયોગ કરીને યુક્રેનની રાજધાની કિવ પર મોટો હુમલો કર્યો. આ હુમલામાં આઠ લોકોનાં મોત થયાં છે અને અહેવાલો અનુસાર અન્ય 39 લોકો ઘાયલ થયા છે.
આ મોટા રશિયન હુમલા બાદ, સમગ્ર રાજધાની વિસ્ફોટોથી હચમચી ઉઠી હતી અને આગની લપેટમાં આવી ગઈ હતી. અનેક રહેણાંક ઇમારતો નાશ પામી છે, અને એવી આશંકા છે કે લોકો કાટમાળ નીચે ફસાયેલા હોઈ શકે છે.
રાષ્ટ્રપતિ ઝેલેન્સ્કીએ અગાઉથી આપી હતી ચેતવણી
અહેવાલ મુજબ, હુમલાના થોડા કલાકો પહેલા, યુક્રેનિયન રાષ્ટ્રપતિ વોલોડીમીર ઝેલેન્સકીએ ગુપ્ત માહિતીનો હવાલો આપીને રાષ્ટ્રને ચેતવણી આપી હતી. તેમણે જણાવ્યું હતું કે રશિયા રાજધાની પર મોટો હુમલો કરવાની તૈયારી કરી રહ્યું છે અને હવાઈ હુમલાના સાયરન વાગતાની સાથે જ લોકોને સાવચેતી રાખવા વિનંતી કરી હતી.
બુધવારે મોડી રાત્રે, જ્યારે સાયરન વાગ્યું, ત્યારે લોકોએ પોતાનો જીવ બચાવવા માટે મેટ્રો સ્ટેશનો અને બંકરોમાં તેમના પાલતુ પ્રાણીઓ અને સ્લીપિંગ બેગ સાથે આશરો લીધો.
વધુ વાંચો: પાકિસ્તાનના સૈફુલ મુલુક સરોવરમાં પ્રવાસીઓની બોટ પલટી જવાથી સાત લોકોનાં મોત
