પાકિસ્તાનની સામાન્ય ચૂંટણીમાં ગરબડીના આક્ષેપો વચ્ચે આખો દિવસ સોશિયલ મીડિયા પ્લેટફોર્મ બંધ રહ્યું

નવી દિલ્હીઃ તાજેતરમાં પાકિસ્તાનમાં સામાન્ય ચૂંટણી યોજાઈ હતી. જોકે, ચૂંટણીના પરિણામો જાહેર કરવામાં વિલંબ થયા બાદ આક્ષેપ-પ્રતિઆક્ષેપોનો સિલસિલો શરૂ થયો હતો. ઘણા પક્ષોએ પરિણામોને ગડબડીનો આરોપ લગાવ્યો છે. એક તરફ પીટીઆઈ ચૂંટણીમાં ધાંધલધમાલનો આરોપ લગાવીને વિરોધ કરી રહી છે. બીજી તરફ, સમાચાર આવી રહ્યા છે કે, પાકિસ્તાનમાં સોશિયલ મીડિયા પ્લેટફોર્મ X પર આખા દિવસ માટે પ્રતિબંધ મૂકવામાં આવ્યો હતો.

ઈન્ટરનેટ મોનિટર NetBlocks એ અહેવાલ આપ્યો છે કે, સત્તાવાળાઓએ ચૂંટણીમાં ગડબડીના અહેવાલો સામે આવ્યા બાદ પાકિસ્તાનમાં સોશિયલ મીડિયા પ્લેટફોર્મ X પર 24 કલાક માટે પ્રતિબંધ મૂક્યો હતો. એવું કહેવામાં આવી રહ્યું છે કે, પ્રથમ વખત X પર આટલા લાંબા સમય માટે પ્રતિબંધ મૂકવામાં આવ્યો છે. પાકિસ્તાનના રાવલપિંડીના ભૂતપૂર્વ કમિશનર લિયાકત અલી ચટ્ટાએ આરોપ લગાવ્યો છે કે દેશના મુખ્ય ચૂંટણી કમિશનર અને મુખ્ય ન્યાયાધીશ તાજેતરમાં પૂર્ણ થયેલી ચૂંટણીમાં ગડબડી થઈ છે. આ સાથે આ અમલદારે તમામ ગેરરીતિની જવાબદારી સ્વીકારીને પોતાના પદ પરથી રાજીનામું આપી દીધું હતું. દરમિયાન NetBlocksએ X માં દેશવ્યાપી વિક્ષેપોની જાણ કરી હતી. તેમણે જણાવ્યું હતું કે અધિકારીના રાજીનામા બાદ એક્સમાં કેટલીક પ્રવૃત્તિઓ થઈ ન હતી.

ડિજિટલ અધિકારો માટે એક એડવોકેસી પ્લેટફોર્મ ‘બોલો ભી’ ના નિર્દેશક ઉસામા ખિલજીએ કહ્યું હતું કે ઘણા લોકો પસંદગીના VPN સિવાય X ઍક્સેસ કરવામાં અસમર્થ હતા. તેમણે કહ્યું કે મોટાભાગના વપરાશકર્તાઓ ફરિયાદ કરી રહ્યા છે કે તેઓ X ચલાવી શકતા નથી. ઈન્ટરનેટ પણ ધીમું છે. તેમણે એમ પણ કહ્યું હતું કે, ટેલિકોમ ઓથોરિટી અથવા આઈટી મંત્રી તરફથી કોઈ સત્તાવાર નિવેદન આવ્યું નથી, જેનું કામ લોકો માટે ઈન્ટરનેટને સરળતાથી સુલભ બનાવવાનું છે.