ચાની જગ્યાએ Orange Peel tea થી કરો દિવસની શરૂઆત,મળશે આ ફાયદા
શિયાળામાં મળતા ફળો નારંગીની છાલથી પણ હેલ્ધી રહી શકે છે.અહીં અમે તમને સંતરાની છાલમાંથી બનેલી ચાના ફાયદા જણાવવા જઈ રહ્યા છીએ.
નારંગીની છાલની ચા કેવી રીતે બનાવવી: સંતરાની છાલ લો અને તેને માઇક્રોવેવમાં થોડો સમય શેકી લો અને તેને બ્લેન્ડરમાં પીસીને પાવડર બનાવો. હવે એક વાસણમાં ગરમ પાણી લો અને તેમાં એક ચમચી પાવડર નાખીને પી લો.
મેટાબોલિઝમને વેગ મળશેઃ નારંગીની જેમ તેની છાલમાં પણ ફાઈબર હોય છે અને દરેક વ્યક્તિ જાણે છે કે,આ પોષક તત્વ પેટ માટે કેટલું મહત્વનું છે.મેટાબોલિક રેટ સુધારવા માટે દરરોજ નારંગીની છાલવાળી ચા પીવો.
રોગપ્રતિકારક શક્તિમાં વધારો થશેઃનારંગીની છાલમાં વિટામિન સી, જે રોગપ્રતિકારક શક્તિને વધારે છે, તે પણ મોટી માત્રામાં હોય છે.જો તમે શિયાળામાં શરદી-ખાંસી અને ગળાની સમસ્યાથી બચવા માંગતા હોવ તો ઓરેન્જ ટીનું રૂટીન ફોલો કરો.
બ્લડ પ્રેશર માટે: બગડેલી જીવનશૈલી, ખોટી ખાણીપીણી અને વધતી ઉંમરને કારણે બ્લડ પ્રેશર હાઈ અથવા લો રહી શકે છે. તેને નિયંત્રણમાં રાખવા માટે સંતરાની છાલવાળી ચાનો સહારો લો.આ સિવાય તેનું સેવન તમારી ત્વચાને ચમકદાર અને સ્વસ્થ પણ બનાવશે.
