1. Home
  2. ગુજરાતી
  3. ગુજરાત
  4. ગુજરાતમાં 262માંથી સુરત એપીએમસી આવકમાં પ્રથમ, એક વર્ષમાં 43.55 કરોડની આવક
ગુજરાતમાં 262માંથી સુરત એપીએમસી આવકમાં પ્રથમ, એક વર્ષમાં 43.55 કરોડની આવક

ગુજરાતમાં 262માંથી સુરત એપીએમસી આવકમાં પ્રથમ, એક વર્ષમાં 43.55 કરોડની આવક

0
Social Share

સુરત: ગુજરાતમાં 262 એપીએમસીમાં સુરત એપીએમસી આવકમાં પ્રથમ ક્રમાંકે છે, નાણાંકીય વર્ષ 2023-24ની આવકના આંકડા જોતા રાજયની 262 એપીએમસીમાંથી સુરત એપીએમસી 43.55 કરોડની આવક મેળવી છે. જ્યારે ઊંઝા એપીએમસી 43.34 કરોડની આવક સાથે બીજા નંબરે આવે છે. રાજકોટ એપીએમસી 36.91 કરોડ સાથે ત્રીજા નંબરનું સ્થાન મેળવ્યુ છે.

સુરત શહેરના સહારા દરવાજા ખાતે આવેલા એપીએમસી માર્કેટ યાર્ડમાં દક્ષિણ ગુજરાત સહિત મહારાષ્ટ્ર રાજસ્થાન, મધ્યપ્રદેશ સહિતના દેશના વિવિધ રાજયોમાંથી શાકભાજી વેચાણ માટે આવે છે. આ શાકભાજી સુરત શહેર ઉપરાંત આજુબાજુના તાલુકા, ગામોમાં પણ વેચાણ અર્થે જાય છે. ત્યારે ગત નાણાંકીય વર્ષ 2023-24માં સુરત એપીએમસી દ્વારા શાકભાજી, તેમજ અન્ય પ્રોડકટના વેચાણ મળીને કુલ આવક 43. 55 કરોડ થઈ હતી. એપીએમસીની આ વર્ષની વાર્ષિક આવકમાં 20 ટકાનો જંગી વધારો થયો છે.

ગુજરાત નિયંત્રિત બજાર સંધ અમદાવાદ દ્વારા રાજયની તમામ એપીએમસી ની વાર્ષિક ટોપ 10 એપીએમસીની  આવકના આંકડા જાહેર થયા હતા. જેમાં સુરત એપીએમસીની 43. 55 કરોડની આવક સાથે પ્રથમ સ્થાને છે. જયારે ઊંઝા એપીએમસી 43.34 કરોડની આવક સાથે બીજા નંબરે આવે છે. રાજકોટ એપીએમસી 36.91 કરોડ સાથે ત્રીજા નંબરનું સ્થાન મેળવ્યુ છે. સુરત APMC માર્કેટમાં દક્ષિણ ગુજરાત જ નહીં પરંતુ દેશના વિવિધ રાજ્યોમાંથી ખેડૂતો શાકભાજીનું વેચાણ કરવા માટે આવતા હોય છે તેમજ સુરત એપીએમસી માર્કેટમાંથી કેરીનું અમેરિકા સહિત વિદેશમાં એક્સપોર્ટ કરવામાં આવે છે. વિવિધ કૃષિ પેદાશોના પણ ભાવ સારા મળતા હોવાને લીધે અન્ય જિલ્લાઓમાંથી પણ ખેડુતો માલ વેચવા માટે સુરત યાર્ડમાં આવતા હોય છે.

LEAVE YOUR COMMENT

Your email address will not be published. Required fields are marked *

Join our WhatsApp Channel

And stay informed with the latest news and updates.

Join Now
revoi whats app qr code