દિલ્હી- દેશની રાજઘાની દિલ્હી અને પંજાબમાં સતત પ્રદુણ વઘતુ જઈ રહ્યું છે દિલ્હીમાં અનેક પ્રકારની પાબંઘિઓ પણ લગાવી દેવામાં આવી છે ખાસ કરીને આ બન્ને રાજ્યોમાં પરાળી સળગાવવાની ઘટના ઉદ્યોગોના ઘુમાડા તથા ટ્રાફિકની સમસ્યાના કારણે પ્રદુષણ ખૂબ જ કરાબ શ્રેણીમાં નોંઘાઈ રહ્યું છે ત્યારે હવે આ મામલે સુપ્રિમ કોર્ટે બન્ને રાજ્યોને પરટકાર લગાવી છે
પ્રાપ્ત માહિતી પ્રમાણે પરાળી સળગાવવાથી થતા પ્રદૂષણ મુદ્દે સુનાવણી દરમિયાન સુપ્રીમ કોર્ટે દિલ્હી અને પંજાબ સરકારને ફટકાર લગાવી છે. સુપ્રિમ કોર્ટે પૂછ્યું છે કે શા માટે સરકાર પરાળી સળગાવવાની ઘટનાઓ અટકાવી શકતી નથી. એટલું જ નહી વઘુમાં સુપ્રીમ કોર્ટે કહ્યું કે અમને ખબર નથી કે તમે કેવી રીતે રોકશો, પરંતુ પરાળ સળગાવવાની ઘટનાઓને તાત્કાલિક રોકો. સુપ્રીમ કોર્ટે કહ્યું કે આ કોઈ રાજકીય યુદ્ધનું મેદાન નથી. રાજકીય આક્ષેપબાજીની રમત પણ બંધ થવી જોઈએ. આગામી સુનાવણી શુક્રવારે થશે.
આ સાથે જ દેશભરમાં ફટાકડા પર પ્રતિબંધ મૂકવાની અરજી પર આજે સુપ્રીમ કોર્ટમાં સુનાવણી થઈ હતી. આ દરમિયાન સુપ્રીમ કોર્ટે પ્રદૂષણ અંગે ચિંતા વ્યક્ત કરી હતી. કોર્ટે કહ્યું કે, આજકાલ બાળકો નહીં પરંતુ પુખ્ત વયના લોકો ફટાકડા ફોડે છે. એક ગેરસમજ છે કે જ્યારે પર્યાવરણીય બાબતોની વાત આવે છે ત્યારે તે માત્ર કોર્ટની જ જવાબદારી છે.લોકોએ સંવેદનશીલ બનવાની જરૂર છે. તહેવારોની મોસમમાં પ્રદૂષણને નિયંત્રણમાં રાખવાની જરૂર છે.ઉલ્લેકનીય છે કે ભારતમાં ફટાકડાના વેચાણ, ખરીદી અને ઉપયોગ પર પ્રતિબંધ મૂકવાની માગણી કરતી અરજીઓમાં સુપ્રીમ કોર્ટ રાજસ્થાનની અરજી પર સુનાવણી કરી રહી હતી. તેના પર અરજદારે કહ્યું કે આ અરજી રાજસ્થાન રાજ્યને લગતી છે. એવી માન્યતા છે કે કોર્ટનો આદેશ માત્ર દિલ્હી-એનસીઆરને જ લાગુ પડે છે, જો કે તે સમગ્ર દેશમાં લાગુ પડે છે.
