મુંબઈ, 23 ઓગસ્ટ 2026: દક્ષિણ મુંબઈમાં ગણેશજીની મૂર્તિ પડી જવાથી બે લોકોનાં મોત થયાં અને અન્ય પાંચ લોકો ઘાયલ થયા. ઘાયલોમાં બે બાળકોનો પણ સમાવેશ થાય છે. મૂર્તિને સ્થાપના માટે પંડાલમાં લાવવામાં આવી રહી હતી.
એક અધિકારીએ જણાવ્યું હતું કે આ ઘટના શનિવારે રાત્રે લગભગ 10 વાગ્યે ભૂલેશ્વરમાં કબૂતરખાના અને જય અંબે ચોક નજીક બલરામ મર્ચન્ટ રોડ પર બની હતી.
જોકે, ગંભીર ઈજાઓને કારણે બે લોકોનાં મોત થયાં હતાં. આ ઘટના બાદ મુંબઈ ફાયર બ્રિગેડ, મુંબઈ પોલીસ, ટ્રાફિક પોલીસ, 108 એમ્બ્યુલન્સ સેવા અને મ્યુનિસિપલ વોર્ડના કર્મચારીઓને ઘટનાસ્થળે રવાના કરવામાં આવ્યા હતા.
અધિકારીએ જણાવ્યું હતું કે મૃતકોની ઓળખ સંકેત નેવશે અને બ્રિજેશ હેમંત જોશી તરીકે કરવામાં આવી છે.
ઘાયલ થયેલા પાંચ લોકોની ઓળખ વૈભવ ઘેનંદ, પવન ચૌરસિયા, લાવણ્યા ગણેર, દિવ્યા ગણેર અને કુણાલ કાશીદ તરીકે થઈ છે.
મ્યુનિસિપલ અધિકારીઓએ જણાવ્યું હતું કે તમામ ઘાયલોની સ્થિતિ સ્થિર છે. 10 દિવસ સુધી ચાલતો ગણેશોત્સવ મુંબઈ અને મહારાષ્ટ્રના અન્ય ભાગોમાં ઉજવાતા સૌથી મોટા અને ભવ્ય તહેવારોમાંનો એક છે.
આ તહેવાર દરમિયાન, ભગવાન ગણપતિની મૂર્તિઓ પંડાલો અને ઘરોમાં સ્થાપિત કરીને તેમની પૂજા કરવામાં આવે છે. મુંબઈમાં મૂર્તિઓ લાવવા માટે એક દાયકાથી વધુ સમયથી ભવ્ય શોભાયાત્રાઓનું આયોજન કરવામાં આવે છે.
વધુ વાંચો: ઈલાબેનની સૂત્રાત્મક લેખન શૈલી વાચકોને પ્રેરિત કરશેઃ ઉષાબેન ઉપાધ્યાય
