નવી દિલ્હી: કેન્દ્રીય ગૃહમંત્રી અમિત શાહે આજે છત્તીસગઢના જગદલપુરમાં બસ્તર ઓલિમ્પિક્સના સમાપન સમારોહને સંબોધિત કરતાં જણાવ્યું કે આવતા વર્ષે બસ્તર ઓલિમ્પિક્સ યોજાશે ત્યાં સુધીમાં છત્તીસગઢનો બસ્તર પ્રદેશ જ નહીં પરંતુ આખો દેશ નક્સલ મુક્ત થઈ જશે.
શાહે જણાવ્યું હતું કે સરકારે આગામી પાંચ વર્ષમાં બસ્તરને દેશનો સૌથી વિકસિત આદિવાસી વિસ્તાર બનાવવાનો સંકલ્પ કર્યો છે.
શાહે જણાવ્યું હતું કે નક્સલવાદ બસ્તરના વિકાસમાં સૌથી મોટો અવરોધ રહ્યો છે, પરંતુ હવે બસ્તર હવે ભયનું પ્રતીક નથી, પરંતુ ભવિષ્યનો પર્યાય બની ગયો છે.
કેન્દ્રીય ગૃહમંત્રીએ બાકી રહેલા કોઈપણ સશસ્ત્ર નક્સલીઓને આત્મસમર્પણ કરવા અપીલ કરી હતી.
છત્તીસગઢમાં આયોજિત બસ્તર ઓલિમ્પિકમાં બસ્તર વિભાગના તમામ સાત જિલ્લાઓના આશરે 3 હજાર 500 ખેલાડીઓએ ભાગ લીધો હતો. આમાં આત્મસમર્પણ કરનારા નક્સલીઓ અને નક્સલી હિંસાથી પ્રભાવિત ખેલાડીઓનો સમાવેશ થાય છે.