- ટ્વિટરની મુશ્કેલી વધી
- હવે પોસ્કો અને IT એક્ટ હેઠળ થયો કેસ
- જાણો શું છે સમગ્ર મામલો
નવી દિલ્હી: ભારતમાં ટ્વિટરની મુશ્કેલીઓ સતત વધી રહી છે. ટ્વિટર વિરુદ્વ હવે વધુ એક કેસ દાખલ કરવામાં આવ્યો છે. બાળકો સાથે જોડાયેલ અશ્લીલ કન્ટેન્ટ નન હટાવવાના આરોપમાં હવે ટ્વિટર વિરુદ્વ દિલ્હી પોલીસે કેસ દાખલ કર્યો છે. અગાઉ પણ વિવાદિત નક્શા સાથે જોડાયેલા મામલામાં કંપની વિરુદ્વ કેસ દાખલ કરવામાં આવ્યો છે.
રાષ્ટ્રીય બાળ સંરક્ષણ આયોગની ફરિયાદ પર દિલ્હી પોલીસે આ કેસ દાખલ કર્યો છે. આયોગે બાળકો સાથે જોડાયેલી અશ્લીલ સામગ્રીને ન હટાવવાનો આરોપ લગાવતા 29મેએ ટ્વિટર વિરુદ્વ દિલ્હી પોલીસને ફરિયાદ કરી હતી.
સોમવારે ભારતનો વિવાદિત નક્શો પોતાની વેબસાઇટ પર લગાવવાના આરોપમાં પણ ટ્વિટર વિરુદ્ધ ઉત્તર પ્રદેશના બુલંદશહેરમાં ફરિયાદ દાખલ કરવામાં આવી છે. કંપનીએ પોતાની વેબસાઇટ પર દુનિયાના નક્શામાં જમ્મુ-કાશ્મીર અને લદ્દાખને ભારતથી અલગ કરી જૂના દેશના રૂપમાં દેખાડ્યા છે.
હાલમાં દિલ્હી પોલીસની સાઇબર સેલના ડીસીપી અન્શેય રોયને રાષ્ટ્રીય બાળ અધિકાર સંરક્ષણ આયોગના મામલામાં સમન્સ આપવામાં આવ્યું હતું. આયોગે ડીસીપીને પૂછ્યુ કે 29 મેની ફરિયાદ છતાં દિલ્હી પોલીસે ટ્વિટર વિરુદ્ધ કેમ કાર્યવાહી કરી નથી.
