બોલિવૂડ એક્ટર તુષાર કપૂરનો આજે જન્મદિવસ,તમામ પ્રકારની એક્ટિંગ કરીને ઈન્ડસ્ટ્રીમાં બનાવ્યું પોતાનું નામ
- બોલિવૂડ એક્ટર તુષાર કપૂરનો આજે જન્મદિવસ
- 2001માં પોતાના બોલિવૂડ કરિયરની કરી શરૂઆત
- તુષારે કોમેડી ફિલ્મોમાં પણ કર્યું છે કામ
મુંબઈ: બોલિવૂડ એક્ટર તુષાર કપૂર આજે પોતાનો 46મો જન્મદિવસ ઉજવી રહ્યો છે. તેણે વર્ષ 2001માં પોતાના બોલિવૂડ કરિયરની શરૂઆત કરી હતી. પરંતુ તે લીડ તરીકે પોતાની અલગ ઓળખ બનાવવામાં સફળ થઈ શક્યો નહીં. આજે તુષારના જન્મદિવસ પર અમે તમને તેના વિશે કેટલીક ખાસ વાતો જણાવીએ છીએ.
તુષારે પોતાના બોલિવૂડ કરિયરની શરૂઆત ફિલ્મ મુઝે કુછ કહેના હૈથી કરી હતી. આ ફિલ્મમાં તુષાર સાથે કરીના કપૂર લીડ રોલમાં જોવા મળી હતી. તુષારની પહેલી ફિલ્મ હિટ સાબિત થઈ હતી. આ ફિલ્મ માટે તુષારને ડેબ્યૂ માટે ફિલ્મફેર એવોર્ડ આપવામાં આવ્યો હતો.
જે બાદ તુષાર ખાકીમાં અમિતાભ બચ્ચન, અક્ષય કુમાર, ઐશ્વર્યા રાય બચ્ચન અને અજય દેવગણ સાથે જોવા મળ્યો હતો.ફિલ્મને સારો પ્રતિસાદ મળ્યો હતો. આ પછી તુષાર ઘણી ફિલ્મોમાં જોવા મળ્યો પરંતુ તે ફિલ્મ હિટ સાબિત ન થઈ.
ત્યારબાદ તુષારે કોમેડી ફિલ્મોમાં કામ કર્યું. તુષારે રિતેશ દેશમુખ સાથે વર્ષ 2005માં આવેલી ફિલ્મ ક્યા કૂલ હૈ હમમાં કામ કર્યું હતું. આ ફિલ્મ સુપરહિટ સાબિત થઈ હતી. જે બાદ તે રોહિત શેટ્ટીની ફિલ્મ ગોલમાલમાં જોવા મળ્યો હતો. જે બાદ તે ફરી એકવાર લાઈમ લાઈટમાં આવ્યો હતો.
તુષારે આ વર્ષે વાપસીની જાહેરાત કરી છે. તે નસીરુદ્દીન શાહ સાથે મારીચ ફિલ્મમાં જોવા મળશે. આ ફિલ્મમાં અભિનયની સાથે તુષાર તેને પ્રોડ્યુસ પણ કરશે.
