લક્ષ્યદીપના મિનીકોય, થુંડી બીચ અને કદમત બીચને બ્લુ બીચની પ્રખ્યાત યાદીમાં સ્થાન મળ્યું

નવી દિલ્હીઃ ભારતના અનેક રાજ્યો દરિયાકાંઠો ધરાવે છે. બીજી તરફ કેન્દ્ર સરકાર દ્વારા સમગ્ર દેશમાં સ્વચ્છતા અભિયાન ચલાવવામાં આવી રહ્યું છે. વિવિધ શહેરો અને નગરો સ્વચ્છતાની સાથે દરિયાકાંઠાને પણ સ્વચ્છ રાખવાની કામગીરી કરવામાં આવી રહી છે. દરમિયાન લક્ષદ્વીપના 3 બીચનો બ્લુ બીચની પ્રખ્યાત યાદીમાં સ્થાન મળ્યું છે.

This is great! Congratulations, particularly to the people of Lakshadweep, for this feat. India’s coastline is remarkable and there is also a great amount of passion among our people to further coastal cleanliness. https://t.co/4gRsWussRt

— Narendra Modi (@narendramodi) October 26, 2022

વડાપ્રધાન નરેન્દ્ર મોદીએ ખાસ કરીને લક્ષદ્વીપના લોકોને અભિનંદન પાઠવ્યા છે કારણ કે મિનીકોય, થુંડી બીચ અને કદમત બીચે બ્લુ બીચની પ્રખ્યાત યાદીમાં સ્થાન મેળવ્યું છે, જે વિશ્વના સૌથી સ્વચ્છ દરિયાકિનારાને ઈકો-લેબલ આપવામાં આવ્યું છે. પીએમ મોદીએ ભારતના નોંધપાત્ર દરિયાકિનારા પર પ્રકાશ પાડ્યો હતો અને વધુ દરિયાકાંઠાની સ્વચ્છતા માટે ભારતીયોના જુસ્સાની પ્રશંસા કરી હતી.

કેન્દ્રીય પર્યાવરણ,વન અને આબોહવા પરિવર્તન મંત્રી ભૂપેન્દ્ર યાદવ દ્વારા એક ટ્વીટ શેર કરતા, પ્રધાનમંત્રીએ ટ્વિટ કર્યું કે, “આ મહાન છે! આ સિદ્ધિ માટે ખાસ કરીને લક્ષદ્વીપના લોકોને અભિનંદન. ભારતનો દરિયાકિનારો અદ્ભુત છે અને આપણા લોકોમાં દરિયાકાંઠાની સ્વચ્છતા માટે ઘણો જુસ્સો પણ છે.”