ઉનાળામાં મુસાફરી કરતા પહેલા આ રીતે કરો તૈયારીઓ,નહીં તો મુસાફરીની મજા બગડી પણ શકે છે
- ઉનાળામાં મુસાફરી કરતા પહેલા આ રીતે કરો તૈયારીઓ
- નહીં તો મુસાફરીની મજા બગડી પણ શકે છે
હાલ ઉનાળાની ઋતુ ચાલી રહી છે. ઉનાળાની આકરી ગરમી લોકોને પરેશાન કરે છે. આ હવામાનમાં ઓછામાં ઓછું બહાર જવાની સલાહ આપવામાં આવે છે. તીવ્ર સૂર્યપ્રકાશને કારણે ગરમી પડવાની ફરિયાદ છે. આ ઋતુમાં પેટ, માથા અને શરીરમાં દુખાવાની ફરિયાદ રહે છે. જો તમે ઉનાળામાં મુસાફરી કરવાનું વિચારી રહ્યા છો, તો કેટલીક ટ્રાવેલ ટિપ્સ અનુસરો. ઉનાળાની ઋતુમાં આ ટિપ્સ અપનાવવાથી પ્રવાસ દરમિયાન કોઈ મુશ્કેલી નહીં આવે, સાથે જ સફર પણ સારી રીતે પૂર્ણ થશે.
હાઇડ્રેટેડ રહો
ઉનાળાની ઋતુમાં ડિહાઈડ્રેશનની સમસ્યા થવી સામાન્ય વાત છે. તેથી ખાતરી કરો કે તમે દિવસ દરમિયાન પુષ્કળ પાણી પીવો. આ સિવાય ડાયટમાં લિક્વિડ ડ્રિંકનો પણ સમાવેશ કરો. પ્રવાસ દરમિયાન તમારી સાથે પાણીની બોટલ રાખો અને વધુ પડતા કેફીન-આલ્કોહોલનું સેવન ટાળો. આના કારણે પ્રવાસમાં મુશ્કેલી આવી શકે છે.
શરીરને કુલ રાખો
ઉનાળાની ઋતુમાં આરામદાયક કપડાં પહેરો. ઢીલા, હળવા વસ્ત્રો પહેરવાથી શરીરને શ્વાસ લેવામાં મદદ મળે છે. ફરતી વખતે તમારી જાતને કુલ રાખવાનો પ્રયાસ કરો.
દવાઓ તમારી સાથે રાખો
મુસાફરી કરતી વખતે તમારી સાથે દવાની કીટ રાખો. માથાનો દુખાવો, પેટનો દુખાવો, તાવ, ઉધરસ, ઉલ્ટી જેવી તમામ જરૂરી દવાઓ આ કીટમાં રાખો. તમારી હોટલની નજીકની હોસ્પિટલ જાણીને રાખો જેથી તમારે કોઈ ઈમરજન્સીનો સામનો ન કરવો પડે.
