Homeગુજરાતીઓનલાઈન છેતરપીંડીને અટકાવવા માટે કેન્દ્ર સરકારે તૈયાર કર્યો એક્શન પ્લાન

ઓનલાઈન છેતરપીંડીને અટકાવવા માટે કેન્દ્ર સરકારે તૈયાર કર્યો એક્શન પ્લાન

જ્યારથી ઈન્ટરનેટ અને સ્માર્ટફોનનો ઉપયોગ વધ્યો છે ત્યારથી ઓનલાઈન છેતરપિંડીના કિસ્સાઓ પણ વધ્યાં છે. ભાગ્યે જ કોઈ દિવસ એવો પસાર થાય છે જ્યારે ક્યાંકથી ઓનલાઈન છેતરપિંડીનો મામલો સામે ન આવ્યો હોય. ઓનલાઈન છેતરપિંડીમાં સિમ કાર્ડની ઘણી ભૂમિકા છે, તેથી હવે સરકાર સિમ કાર્ડને લઈને એક નવો અમલ કરી શકે છે. સરકાર ટૂંક સમયમાં સિમ કાર્ડ ખરીદવાની મર્યાદા નક્કી કરી શકે છે. એટલે કે હવે તમે તમારી ઈચ્છા મુજબ સિમ કાર્ડ ખરીદી શકશો નહીં.

હવે કોઈ વ્યક્તિ પોતાના નામે 9 સિમ કાર્ડ એક્ટિવેટ કરી શકે છે. પરંતુ આ નિયમ થોડા દિવસોમાં બદલાઈ શકે છે. સરકાર એક ID પર ઉપલબ્ધ સિમ કાર્ડની સંખ્યા ઘટાડી શકે છે. સરકાર એક આઈડી પર 9ની જગ્યાએ માત્ર 4 સિમ એક્ટિવ કરવાનો નિયમ લાગુ કરી શકે છે. એક રિપોર્ટ અનુસાર, ટેલિકોમ મંત્રીએ માત્ર 4 સિમ કાર્ડ સાથેની માર્ગદર્શિકા પર મંજૂરી આપી છે. આવી સ્થિતિમાં સરકાર જલ્દી જ સિમ કાર્ડના નવા નિયમો લોકો માટે લાવી શકે છે. આટલું જ નહીં, છેતરપિંડી રોકવા માટે, ગ્રાહક ચકાસણીની પ્રક્રિયાને સંપૂર્ણપણે ડિજિટાઇઝ કરવાનો નિયમ પણ લાગુ કરી શકાય છે.

થોડા મહિના પહેલા જ સરકાર દ્વારા સંચાર સાથી પોર્ટલ લોન્ચ કરવામાં આવ્યું છે. આ પોર્ટલ પર, તમે તમારા ચોરાયેલા અથવા ખોવાયેલા ફોન વિશે ફરિયાદ નોંધાવી શકો છો. એટલું જ નહીં, આ પોર્ટલ પર તમે તમારા નામે કેટલા સિમ એક્ટિવેટ થયા છે તે પણ સરળતાથી ચેક કરી શકો છો. જો કોઈ નંબર દેખાય છે કે તમને મળ્યો નથી, તો તમે તરત જ તેની જાણ કરી શકો છો અને તેને બ્લોક કરી શકો છો.

spot_img
spot_img
સંબંધિત લેખો
spot_img
spot_img

Most Popular

spot_img