Homeગુજરાતીગુજરાતએસજી હાઇવે પર ટ્રક સાથે કાર અથડાતાં એક યુવાનનું મોત, ત્રણ ગંભીર...

એસજી હાઇવે પર ટ્રક સાથે કાર અથડાતાં એક યુવાનનું મોત, ત્રણ ગંભીર ઇજાગ્રસ્ત

અમદાવાદઃ શહેરના એસજી હાઇવે પર આજે વહેલી સવારે એક ગમખ્વાર માર્ગ અકસ્માત સર્જાયો હતો. થલતેજ અન્ડરપાસ નજીક રોડ પર ઊભેલી ટ્રક સાથે પાછળથી પૂરઝડપે આવી રહેલી કાર ધડાકાભેર અથડાઈ હતી. આ અકસ્માતમાં એક યુવાનનું ઘટનાસ્થળે જ મોત નિપજ્યું હતું, જ્યારે કારમાં સવાર ત્રણ લોકો ગંભીર રીતે ઇજાગ્રસ્ત થયા હતા.

પ્રાપ્ત માહિતી અનુસાર, થલતેજ અન્ડરપાસ નજીક એક આઇસર ટ્રક હાઇવે પર ઊભેલી હતી. આ દરમિયાન પાછળથી તેજ ગતિએ આવી રહેલી કાર ટ્રકના પાછળના ભાગમાં જોરદાર અથડાઈ હતી. અકસ્માત એટલો ગંભીર હતો કે કારનો આગળનો ભાગ સંપૂર્ણ રીતે નાશ પામ્યો હતો. અકસ્માતમાં કાર ચલાવતા યુવાનનું ઘટના સ્થળે જ મોત થયું હતું. જ્યારે અન્ય ત્રણ વ્યક્તિઓને ગંભીર ઇજાઓ પહોંચતાં તેમને નજીકની હોસ્પિટલમાં ખસેડવામાં આવ્યા હતા. આ બનાવની જાણ થતા ઉચ્ચ અધિકારીઓ સહિતનો પોલીસ કાફલો તાત્કાલિક સ્થળ પર દોડી ગયો હતો. પોલીસે યુવાનના મૃતદેહને પીએમ અર્થે હોસ્પિટલ મોકલી આપ્યો હતો, આ ઘટના અંગે પોલીસે ગુનો નોંધીને અકસ્માતનું ચોક્કસ કારણ જાણવા તપાસ શરૂ કરી છે.

spot_img
spot_img
સંબંધિત લેખો
spot_img
spot_img

Most Popular

spot_img