નવી દિલ્હી, 6 ફેબ્રુઆરી 2026: અમેરિકાના કનેક્ટિકટ રાજ્યના મેન્સફિલ્ડ શહેરમાં એક માલગાડી પાટા પરથી ઉતરી જવાની મોટી દુર્ઘટના સામે આવી છે. ન્યૂ ઈંગ્લેન્ડ સેન્ટ્રલ રેલરોડ (NECR) ની આ ટ્રેનમાં બે એન્જિન અને 41 ડબ્બા હતા, જેમાંથી અનેક ડબ્બા પાટા પરથી નીચે ઉતરી ગયા હતા. આ ઘટના વિલમન્ટિક નદીના કિનારે ઈગલવિલે લેક પાસે બની છે.મેન્સફિલ્ડ ફાયર ચીફ જોન રોચેના જણાવ્યા અનુસાર, લિક્વિડ પ્રોપેન ભરેલા ચાર રેલ ડબ્બા સીધા પાણીમાં પડ્યા હતા. કુલ છ ડબ્બા સંપૂર્ણપણે પાટા પરથી ઉતરી ગયા હતા.
સદનસીબે આ અકસ્માતમાં કોઈના ઈજાગ્રસ્ત થવાના કે જાનહાનિના સમાચાર નથી.સ્થાનિક સત્તાધીશોના જણાવ્યા મુજબ, અત્યાર સુધી કોઈ ગેસ લીકેજ કે પ્રદૂષણની નોંધ લેવાઈ નથી. આ ઘટના ગુરુવારે સવારે આશરે 9 વાગ્યે (સ્થાનિક સમય મુજબ) બની હતી. વહીવટી તંત્ર દ્વારા લેવાયેલા પગલાં સંભવિત જોખમને ધ્યાનમાં રાખીને વહીવટી તંત્ર દ્વારા તાત્કાલિક સુરક્ષાત્મક પગલાં લેવામાં આવ્યા છે.
વધુ વાંચો: IND U19 vs ENG U19: વૈભવ સૂર્યવંશી વર્લ્ડ કપ ફાઇનલમાં રચી શકે છે ઇતિહાસ
ગેસ ગળતરના ભયને કારણે અકસ્માત સ્થળના અડધા માઈલના વિસ્તારમાં રહેતા લોકોને ઘરમાં રહેવાની અને બારી-બારણાં બંધ રાખવાની સૂચના આપવામાં આવી છે. લિક્વિડ પ્રોપેન ગંધહીન હોય છે, તેથી તેને તરત પારખવું મુશ્કેલ છે. આથી લોકોને સાવચેત રહેવા તાકીદ કરવામાં આવી છે.
રાજ્યના ઉર્જા અને પર્યાવરણ સંરક્ષણ વિભાગે સાવચેતીના ભાગરૂપે પાણીમાં ‘હેઝમેટ બૂમ’ (ખતરનાક પ્રવાહી શોષી લેતી ટ્યુબ) લગાવી છે.ફાયર ચીફના જણાવ્યા અનુસાર, અકસ્માતનું સ્થળ ભૌગોલિક રીતે દુર્ગમ હોવાને કારણે સફાઈ કામગીરીમાં ઘણા દિવસો લાગી શકે છે. હાલમાં ક્રેન અને અન્ય ભારે મશીનરી ઘટનાસ્થળે પહોંચાડવા માટે ટીમો કામ કરી રહી છે. સુરક્ષાના કારણોસર નજીકનો માર્ગ બંધ કરી દેવામાં આવ્યો છે અને લોકોને વૈકલ્પિક રસ્તો પસંદ કરવા વિનંતી કરવામાં આવી છે.
વધુ વાંચો: ભારતીય રેલવે 94 હોળી સ્પેશિયલ ટ્રેન દોડાવશે, પ્રવાસીઓને મલશે રાહત
