ચેન્નાઈ: દક્ષિણ ભારતના તમિલનાડુ રાજ્યમાં છેલ્લા ઘણા દિવસોથી વરસાદ પડી રહ્યો છે. સતત વરસાદના કારણે સામાન્ય જનજીવન ખોરવાઈ ગયું છે.આ દરમિયાન ભારે વરસાદને કારણે ચેન્નાઈની તમામ શાળાઓમાં રજા જાહેર કરવામાં આવી છે. જિલ્લા કલેક્ટરે આ આદેશ જારી કર્યો છે. ચેન્નાઈમાં સતત વરસાદને કારણે ઘણી જગ્યાએ પાણી ભરાયેલા જોવા મળી રહ્યા છે. આવી સ્થિતિમાં સાવચેતીના ભાગરૂપે તમામ શાળાઓને બંધ કરી દેવામાં આવી છે. હાલ હવામાન વિભાગે વરસાદથી રાહત મળવાની કોઈ શક્યતા વ્યક્ત કરી નથી.
હવામાન વિભાગે તમિલનાડુ, પુડુચેરી અને કરાઈકલ પ્રદેશમાં એક-બે સ્થળોએ ગાજવીજ અને વીજળીના ચમકારા સાથે હળવાથી મધ્યમ વરસાદની આગાહી કરી છે. તમિલનાડુના કન્યાકુમારી, તિરુનેલવેલી અને તેનકાસી જિલ્લામાં છૂટાછવાયા સ્થળોએ ભારેથી અતિ ભારે વરસાદની સંભાવના છે. રામનાથપુરમ, થુથુકુડી, થેની, ડીંડીગુલ, પુડુક્કોટ્ટાઈ, તંજાવુર, તિરુવરુર, નાગપટ્ટિનમ અને માયલાદુથુરાઈ જિલ્લામાં છૂટાછવાયા સ્થળોએ ભારે વરસાદની સંભાવના છે.
ગયા અઠવાડિયે ચેન્નાઈ અને તમિલનાડુના અન્ય ભાગોમાં શાળાઓ બંધ કરવામાં આવી હતી કારણ કે તમિલનાડુના ઘણા ભાગોમાં મુશળધાર વરસાદ પડ્યો હતો. તમિલનાડુમાં ઘણા દિવસોથી સતત વરસાદ પડી રહ્યો છે. આવી સ્થિતિમાં સમગ્ર રાજ્યના લોકો વરસાદથી પરેશાન છે. રાજ્યના અનેક વિસ્તારોમાં હજુ પણ વરસાદ ચાલુ છે.હવામાન વિભાગે જણાવ્યું કે દરિયામાં વાદળો બની રહ્યા છે. પરંતુ જેમ જેમ તડકો આવશે તેમ વરસાદ ઓછો થશે. અડયાર વિસ્તારમાં સૌથી વધુ 80 મીમી વરસાદ નોંધાયો છે. આ સાથે અન્ના નગર-નુંગમ્બક્કમ પટ્ટાના કેટલાક ભાગોમાં પણ સારો વરસાદ થયો છે.
